तेजस्विनी लोणारीचं वय काय? लवकरच होणार शिवसेना नेते सदा सरवणकर यांची सून

मराठी चित्रपटसृष्टीतील लोकप्रिय अभिनेत्री तेजस्विनी लोणारी हिने आता आपल्या आयुष्यातील एका नवीन पर्वाची सुरुवात केली आहे. तिचा साखरपुडा शिवसेना नेते सदा सरवणकर यांचा मुलगा शिवसेना युवा नेते समाधान सरवणकर याच्यासोबत पार पडला आहे. तेजस्विनीने या खास प्रसंगी पारंपरिक आणि आकर्षक लाल रंगाची भरजरी साडी नेसली होती. सोन्याचे दागिने, सुंदर हेअरस्टाईल व हसरा चेहरा यांमुळे तिचा लूक राजेशाही आणि एलिगंट दिसत होता. समाधान सरवणकरने ऑफ-व्हाईट शेरवानी परिधान केली होती, ज्यात तोही अत्यंत देखणा दिसत होता. तेजस्विनीचे वय सध्या ३६ वर्षे असून, तिने अभिनय क्षेत्रात अनेक वर्षे गाजवली आहेत. चाहत्यांनी सोशल मीडियावर तिच्यावर शुभेच्छांचा वर्षाव केला आहे. या साखरपुड्याने तेजस्विनीच्या आयुष्यातील एका नवीन आनंदाचा अध्याय सुरू झाला आहे. (सर्व फोटो सौजन्य : तेजस्विनी लोणारी/इन्स्टाग्राम)