बॉबी देओलचा मोठा खुलासा: “दारू सोडल्याने माझं आयुष्य बदललं”; म्हणाले, ‘नातं १०० पटीने…’

अभिनेता बॉबी देओल यांनी नुकतेच जाहीर केले की, त्यांनी दारू पिणे पूर्णपणे बंद केले आहे. बॉबी यांनी सांगितले की, हा त्यांच्या आयुष्यातील सर्वांत मोठा आणि महत्त्वाचा बदल आहे. दारू सोडल्यामुळे त्यांना मनःशांती, स्पष्ट विचार आणि सर्वांशी चांगले नातेसंबंध जोडता आले. दारू सोडणे हा त्यांच्या खासगी आणि फिल्मी करिअरमध्ये आलेला एक महत्त्वाचा 'टर्निंग पॉइंट' ठरला आहे, असे बॉबी यांनी स्पष्ट केले. 'बॉम्बे टाइम्स'ला दिलेल्या मुलाखतीत बॉबी म्हणाले, "प्रत्येकाची शरीररचना वेगळी असते. कोणतीही नशा कशी त्रास देईल, हे कळत नाही. काही लोकांना सगळ्या गोष्टींची लगेच सवय (addiction) लागते. कारण- त्यांच्यात तसे जीन्स (genes) असतात." बॉबी यांनी सांगितले की, हा निर्णय त्यांनी स्वतःसाठी घेतला. ते म्हणाले, "दारू सोडल्यावर मी एक चांगला माणूस झालोय आणि माझ्या ओळखीच्या प्रत्येक व्यक्तीसोबतचे माझे नाते १०० पटींनी सुधारले आहे." हा निर्णय खूप वैयक्तिक असल्याचे सांगून बॉबी म्हणाले, "स्वतःच्या मर्यादा ओळखणे, आपल्याला कशाने त्रास होतो हे समजून घेणे आणि आपल्या प्रगतीसाठी काय चांगले आहे, याबद्दल प्रामाणिक असणे महत्त्वाचे आहे." अलीकडच्या काळात बॉबी देओलने 'आश्रम', 'ॲनिमल' आणि 'द बॅ ***डस् ऑफ बॉलीवूड' यांसारख्या कलाकृतींमधून अभिनयाची अदाकारी दाखवून प्रेक्षकांची मने जिंकली आहेत. (सर्व फोटो सौजन्य : बॉबी देओ/इन्स्टाग्राम)