Photos : ‘कोण होतीस तू, काय झालीस तू’ मालिकेतील कावेरीचा निळ्या ड्रेसमध्ये मनमोहक अंदाज

मराठी टीव्हीवरील लोकप्रिय अभिनेत्री गिरिजा प्रभू सध्या ‘कोण होतीस तू, काय झालीस तू’ या मालिकेत कावेरी ही प्रमुख भूमिका साकारत आहे. नुकताच गिरिजाने शेअर केलेला हा खास मिरर सेल्फी सध्या सोशल मीडियावर जबरदस्त व्हायरल झाला आहे. या फोटोमध्ये ती निळ्या रंगाच्या पारंपरिक ड्रेसमध्ये दिसत असून, त्यावरील फुलांच्या भरतकामामुळे तिचा लूक आणखी खुलून दिसतो आहे. गळ्यातील लाल नेकलेस, हातातील लाल बांगड्या आणि हलका पण उठावदार मेकअप या सगळ्यामुळे गिरिजाचा पारंपरिक लूक अधिक उठून दिसतो. चाहत्यांना तिचा हसरा चेहरा आणि नैसर्गिक भाव विशेष आवडले असून, कमेंट सेक्शनमध्ये कौतुकाचा वर्षाव सुरू आहे. गिरिजाने हा लूक विशेषतः ‘आता होऊ दे धिंगाणा ४’ या स्टार प्रवाहवरील लोकप्रिय कार्यक्रमासाठी तयार केला आहे. सध्या गिरिजा प्रभू तिच्या अभिनयासोबतच स्टायलिश लूकसाठीही चाहत्यांच्या मनावर राज्य करत आहे. (सर्व फोटो सौजन्य : गिरिजा प्रभू/इन्स्टाग्राम) (हेही पाहा: Photos: ‘कारभारी लयभारी’ फेम अभिनेत्रीचा बोल्ड लूक पाहून चाहते झाले थक्क )