Photos: खासदार नरेश म्हस्के यांच्या मुलाचा साखरपुडा; सोहळ्याला कलाविश्वातील ‘या’ दोन कलाकारांची विशेष उपस्थिती!

खासदार नरेश म्हस्के यांचे चिरंजीव आशुतोष यांचा साखरपुडा समारंभ नुकताच हर्षाली हिच्याशी मोठ्या थाटात संपन्न झाला. अभिनेत्री दीपाली सय्यद यांनी या मंगलमय प्रसंगी खास उपस्थिती लावली. या प्रसंगी दीपाली सय्यद यांनी नववधू-वरांना त्यांच्या भावी आयुष्यासाठी मनःपूर्वक आशीर्वाद दिले. मराठी कलाविश्वातील लोकप्रिय अभिनेते सुबोध भावे हे देखील या समारंभात खास उपस्थित होते. दीपाली सय्यद यांनी या कार्यक्रमाचे फोटो सोशल मीडियावर शेअर केले आहेत. ‘उत्कृष्ट संसदपटू सन्माननीय खासदार नरेशजी म्हस्के साहेब व सौभाग्यवती माधवी नरेशजी म्हस्के यांचे सुपुत्र चि. आशुतोष यांचा साखरपुडा सोहळा हर्षदा हिच्याशी संपन्न झाला. याप्रसंगी या वधू-वरांना आशीर्वाद दिले. त्यावेळी माझे सहकारी मित्र अभिनेते सुबोध भावे हे देखील उपस्थित होते’ अशी कॅप्शन दीपाली सय्यद यांनी फोटोंना दिली आहे. खासदारपुत्राच्या या सोहळ्यात राजकारण आणि कला क्षेत्रातील मान्यवर व्यक्तींची उपस्थिती पाहायला मिळाली. खासदार म्हस्के यांच्या कुटुंबीयांनी हा साखरपुडा सोहळा अत्यंत उत्कृष्ट आणि दिमाखदार पद्धतीने आयोजित केला होता. (सर्व फोटो सौजन्य : दीपाली सय्य/इन्स्टाग्राम)