Photos : क्रांती रेडकर आणि समीर वानखेडेचा पारंपरिक अंदाज सोशल मीडियावर चर्चेत

अभिनेत्री क्रांती रेडकरने नुकताच आपल्या पती समीर वानखेडेसह एक सुंदर फोटो शेअर करीत पारंपरिक लूकमध्ये सर्वांचे लक्ष वेधले आहे. रेशमी साडीत खुलून दिसणारी क्रांती रेडकर तिच्या मराठमोळ्या आणि एलिगंट अंदाजामुळे पुन्हा एकदा चर्चेत आली आहे. 'Saree is one garment that doesn't require a fit check,' अशी कॅप्शन देत क्रांतीनं या पोस्टमधून साडीच्या सौंदर्याबद्दलचा आपला प्रेमभाव व्यक्त केला. या फोटोमध्ये समीर वानखेडे साध्या, पण आकर्षक अंदाजात दिसत असून, दोघांची जोडी एकदम परफेक्ट वाटते. क्रांतीच्या या पोस्टवर चाहत्यांकडून मोठ्या प्रमाणात प्रतिक्रिया येत असून, अनेकांनी ‘परफेक्ट कपल’ अशी कमेंट केली आहे. पारंपरिक दागिने, सुंदर मेकअप व साधी हेअरस्टाईल या सगळ्यामुळे क्रांतीचा साडीतील लूक अधिकच खुलून दिसतो आहे. क्रांती रेडकरने शेअर केलेल्या या फोटोंना काही तासांतच हजारो लाइक्स आणि शेकडो कमेंट्स मिळाल्या आहेत. क्रांती रेडकर आणि समीर वानखेडे यांची ही जोडी कायमच चर्चेत राहते आणि या नव्या फोटोने त्यांच्या चाहत्यांना पुन्हा एकदा आनंद दिला आहे. (सर्व फोटो सौजन्य : क्रांती रेडकर/इन्स्टाग्राम)