Photos : भव्य देखाव्यासाठी प्रसिद्ध असणाऱ्या तुळशीबाग मंडळाच्या गणपती बाप्पाचे फोटो पाहा

सगळीकडेच आपल्या लाडक्या बाप्पाचं, विघ्नहर्त्या गणरायाचं धूमधडाक्यात आगमन झालं आहे. घरोघरी गणपती बसले आहेतच शिवाय प्रत्येक सार्वजनिक मंडळाचा गणपती आणि त्याच्या भव्यदिव्य अशा मिरावणुकीचे फोटो सध्या चांगलेच व्हायरल होत आहेत. पुण्यातल्या पाचही मानाच्या गणपतीच्या मिरवणुकांचे फोटोजही चांगलेच व्हायरल झाले आहेत. त्यापैकी चौथा मनाचा म्हणजेच तुळशीबाग सार्वजनिक गणेशोत्सव मंडळाच्या बाप्पाचे फोटो तुम्हाला पाहायला मिळतील. या गणपतीची स्थापना १९०१ मध्ये करण्यात आली होती. तुळशीबागेतल्या अत्यंत वर्दळीच्या जागेत हा मानाचा चौथा गणपती बसतो. हा गणपती आकर्षक आणि भव्यदिव्य अशा मूर्तीसाठी प्रसिद्ध आहे. प्रथम फायबरच्या मूर्तीची स्थापना करण्याचा मान हा तुळशीबाग सार्वजनिक गणेशोत्सव मंडळाकडे आहे. कल्पक देखावे आणि भव्य सजावट यासाठीही हा गणपती लोकप्रिय आहे. त्याच वर्षी अजिंठा-वेरुळ लेण्यांचा भव्य देखावा त्यांनी केला होता. यानंतरच तुळशीबाग गणेशोत्सवाची भव्य देखाव्यांची परंपरा सुरू झाली. (फोटो सौजन्य : पवन खेंगरे, पुणे)