How to identify fake vaccine guidelines issued by Central Government | बनावट लस नेमकी कशी ओळखायची?; जाणून घ्या

राष्ट्रीय करोना लसीकरण कार्यक्रमाच्या पार्श्वभूमीवर केंद्राने सर्व राज्यं आणि केंद्रशासित प्रदेशांना काही मार्गदर्शक सूचना जारी केल्या आहेत. (All Photos : Reuters) लसीकरण कार्यक्रमातील आरोग्य कर्मचाऱ्यांना कोणतीही बनावट करोना लस ओळखता यावी, यासाठी या सूचना जारी करण्यात आल्या आहेत. (All Photos : Reuters)WHO ने दक्षिण-पूर्व आशिया आणि आफ्रिका प्रदेशात बनावट कोविडशील्ड लस आढळल्याबद्दल चिंता व्यक्त केल्यानंतर हे पाऊल उचलण्यात आलं आहे.केंद्राच्या सूचनांनुसार सर्वप्रथम आपण पाहूयात की, अस्सल कोविशील्ड लस कशी ओळखावी?अस्सल कोविशील्ड लसीच्या बाटलीवर गडद हिरव्या रंगात SII उत्पादनाचं लेबल शेड असतं. त्याचप्रमाणे, ट्रेडमार्कसह ब्रँडचं नाव आणि गडद हिरव्या रंगाचं अॅल्युमिनियम फ्लिप-ऑफ सील असतं.SII चा लोगो हा लेबलच्या चिकट बाजूवर आणि एका विशिष्ट कोनात छापलेला असतो. तपशीलांची अचूक जाण असलेल्या निवडक लोकांनाच हा ओळखता येऊ शकतो. अधिक स्पष्ट आणि वाचनीय ठरण्यासाठी ही अक्षरं पांढऱ्या शाईत छापण्यात आली आहेत. परिमाणांनुसार, संपूर्ण लेबलला एक विशिष्ट मधुकोश प्रभाव देण्यात आला आहे. हा केवळ एका विशिष्ट कोनातच दृश्यमान ठरतो.आता जाणून घेऊन की केंद्राच्या परिमाणांनुसार कोव्हॅक्सिन लस कशी ओळखावी?कोव्हॅक्सिनच्या लेबलवर प्रतिकृतीविरोधी वैशिष्ट्यांमध्ये अदृश्य अतिनील (Uv) हेलिक्स (डीएनएसारखी संरचना) आहे. जे केवळ अतिनील (UV) प्रकाशातच दिसतात.अतिरिक्त सचिव मनोहर अग्नानी यांनी केंद्रशासित प्रदेश आणि राज्यांच्या सर्व अतिरिक्त मुख्य सचिव आणि प्रधान सचिवांना पत्राद्वारे ही माहिती पुरवली आहे.आता रशियाची स्पुतनिक-व्ही ही लस कशी ओळखायची? याबाबत जाणून घेऊयाही आयात केलेली उत्पादने रशियातील दोन वेगवेगळ्या घाऊक उत्पादन ठिकाणची आहेत. म्हणूनच यावर दोन भिन्न लेबल आहेत. मात्र, ह्यावरील सर्व माहिती आणि डिझाईन सारख्याच आहेत. फक्त निर्मात्याचं नाव वेगळं आहे. आतापर्यंत सर्व आयात केलेल्या उत्पादनांसाठी फक्त ५ एम्प्युल पॅकच्या कार्टनच्या पुढच्या आणि मागच्या बाजूलाच इंग्रजी तर इतर सर्वांवर रशियन भाषेत आहेत.सध्या देशात सुरू असलेल्या लसीकरण मोहिमेत पात्र लाभार्थ्यांना कोविशील्ड, कोव्हॅक्सिन आणि स्पुतनिक व्ही या लशी उपलब्ध करून देण्यात आल्या आहेत. यावेळी, बनावट लसींचा धोका टाळण्यासाठी केंद्र सरकारकडून या वरील मार्गदर्शक सूचना जारी करण्यात आल्या आहे. (All Photos : Reuters)