PHOTOS: जम्मू-काश्मीर सहलीसाठी रेल्वेची भन्नाट ऑफर, पॅकेजमध्ये काय काय आहे घ्या जाणून

भारतातील काश्मीरला पृथ्वीवरील स्वर्ग म्हटले जाते. तिथली सुंदर मैदाने बघायची प्रत्येकाला इच्छा असते. दोन वर्षे कोरोनाच्या सावलीत राहिल्यानंतर आता लोकांनी देशात फिरण्याचे नियोजन सुरू केले आहे. पण सध्याचा कडक उन्हाळा पाहून, प्रत्येकजण थंड ठिकाणी जाण्याचा विचार करत असेल. त्यामुळे जर तुम्हाला काश्मीरमधील बर्फाचा आणि थंडपणाचा आनंद घ्यायचा असेल तर त्यासाठी तुम्ही IRCTC चे भन्नाट काश्मीर पॅकेज टूरचा आनंद घेऊ शकता. हे IRCTC पॅकेज 6 दिवस आणि 7 रात्रीसाठी असेल. या पॅकेजमध्ये तुम्हाला नाश्ता आणि रात्रीच्या जेवणाचीही सुविधा मिळेल. पॅकेज अंतर्गत तुमचा प्रवास २६ मेपासून सुरू होईल आणि १ जून २०२२ रोजी रांचीमध्ये संपेल. तुम्हाला इकॉनॉमी क्लासमध्ये रांची ते दिल्ली आणि दिल्ली ते श्रीनगर असा तुमचा प्रवास असेल. संपूर्ण पॅकेजमध्ये, तुम्ही श्रीनगर, गुलमर्ग, सोनमर्ग, पहलगाम इत्यादी ठिकाणांना भेट देऊ शकाल. यानंतर, श्रीनगरमध्ये तुम्हाला सोनमर्ग येथे राहण्याची आणि तेथे हाऊसबोटमध्ये एक रात्र राहण्याची सुविधा मिळेल. ६ रात्री आणि ७ दिवसांच्या या पॅकेजवर तुम्ही एकटे जात असाल तर तुम्हाला ४९,८०० रुपये मोजावे लागतील. दोन लोक जात असाल तर तुम्हाला ३३.९५० रुपये द्यावे लागतील. जर तुम्ही तीन लोक एकत्र जात असाल तर तुम्हाला ३२,६०० रुपये द्यावे लागतील.