अन् पाण्यात उभे राहून केली योगासने; योगाचे महत्व पटवून देण्यासाठी उपक्रम| Yoga demonstrations would have been organized at Nanda Swimming Pool in Balgandharva premises.

बालगंधर्व प्रांगणातील नंदा जलतरण तलाव येथे योग प्रात्यक्षिके आयोजित करण्यात आली होती. योग प्रात्यक्षिकांचा प्रचार आणि प्रसार करण्यासाठी योगा स्कूलतर्फे हे प्रात्यक्षिके सादर करण्यात आली. पाण्यात उभे राहून ही योग प्रात्यक्षिके करण्यात आली. यावेळी योगांचे प्रकार दाखवण्यात आले. योगाचा उपयोग नेहमीच शारीरिक, मानसिक आणि आध्यात्मिक फायद्यांसाठी केला जातो. आजच्या वैद्यकीय संशोधनाने हे सिद्ध केले आहे की योग हे शारीरिक आणि मानसिक दृष्ट्या मानवजातीसाठी वरदान आहे. योगासने शरीरातील सर्व अवयव आणि ग्रंथींचा व्यायाम करतात, त्यामुळे अवयव सुरळीतपणे काम करू लागतात. योगासनांच्या नियमित सरावामुळे स्नायूंचा चांगला व्यायाम होतो. योगामुळे तणाव दूर होतो, चांगली झोप लागते, भूक चांगली लागते, पचनक्रिया बरोबर राहते. योगासने केल्याने सांधेदुखी, पाठदुखी इत्यादी वेदनांमध्ये चांगलीच सुधारणा होते आणि औषधाची गरज कमी होते.