Photos : Corona मुळे Immunity कमी झाली आहे? ‘हे’ पेय ठरेल रामबाण उपाय; आठवड्यातून एकदाच करा सेवन

बदलत्या ऋतूमध्ये सर्दी, खोकला आणि फ्लूमुळे सर्वाधिक समस्या उद्भवतात. थंड वारे, वाढते प्रदूषण आणि खाण्याच्या अयोग्य सवयींमुळे सर्दी-खोकला फार त्रासदायक ठरतो. ज्या लोकांची प्रतिकारशक्ती कमकुवत आहे त्यांना सर्दी आणि फ्लू होण्याची शक्यता जास्त असते. याउलट मजबूत प्रतिकारशक्ती सर्दी आणि खोकल्याविरूद्ध लढण्यास मदत करते. जर्नल ऑफ फूड सायन्समध्ये प्रकाशित झालेल्या अभ्यासानुसार आले, हळद आणि दालचिनी यांसारख्या विशिष्ट मसाल्यांमधील अर्कांची रासायनिक संरचना आणि अँटिऑक्सिडंट क्षमता सर्दीवर सर्वोत्तम उपचार आहे. सेलिब्रिटी न्यूट्रिशनिस्ट मुनमुन गनेरीवाल यांनी त्यांच्या पुस्तकात या मसाल्यांच्या उपयुक्ततेबद्दल सांगितले आहे. हे मसाले सर्दी आणि खोकल्यापासून मुक्त होण्यास आणि रोगप्रतिकारक शक्ती मजबूत करण्यास कशी मदत करतात हे जाणून घेऊया. मुनमुन गनेरीवाल यांच्या मते, हे सर्व मसाले अँटी-ऑक्सिडंट गुणधर्मांनी समृद्ध असतात. ते शरीरासाठी फायदेशीर असणारे बॅक्टेरिया वाढवतात आणि शरीराला हानी पोहोचवणारे बॅक्टेरिया कमी करतात. जेवणात या मसाल्यांचे सेवन केल्याने शरीराला फायदा होतो. या मसाल्यांचा वापर करण्याचा एक मार्ग म्हणजे हर्बल टी. यामुळे शरीरातील जळजळ कमी होण्यास मदत होते. संशोधनानुसार, या मसाल्यांमधील दाहक-विरोधी गुणधर्म लठ्ठपणा, नैराश्य, हृदयविकार, मधुमेह, मेटाबॉलिक सिंड्रोम आणि इतर अनेक आजारांपासून बचाव करण्यासाठी प्रभावी ठरतात. हर्बल चहा बनवण्यासाठी वापरल्या जाणार्या मसाल्यांमध्ये पुदिना, आले, हळद यांचा समावेश होतो. हर्बल चहा बनवण्याचे साहित्य : १.५ कप पाणी, एक टीस्पून सुंठ पावडर, चिमूटभर काळी मिरी पावडर, पाव टीस्पून हळद पावडर, एक टीस्पून तूप, चवीनुसार गूळ. हा हर्बल चहा बनवण्यासाठी तुम्ही सर्व मसाले दीड कप पाण्यात टाकून दहा मिनिटे उकळा. यानंतर चहा गाळून घ्या आणि कोमट प्या. गनेरीवाल यांच्या मते, हळदीचा चहा सर्दी-खिकल्यावरील औषध म्हणून काम करतो. हे पेय रोग प्रतिकारशक्ती मजबूत करते आणि हंगामी ऍलर्जी नियंत्रित करते. दिवसातून एकदा आणि आठवड्यातून दोनदाच हे पेय प्यावे, असे गनेरीवाल यांनी पुस्तकात नमूद केले आहे. येथे देण्यात आलेली माहिती गृहीतके आणि सामान्य माहितीवर आधारित आहे. अधिक माहितीकरिता कृपया तज्ज्ञांचा सल्ला घ्यावा. (सर्व फोटो : Pexels)