ओठांना सूज ते गर्भधारणेत अडथळा; मेकअप बॅग मधील ‘ही’ मैत्रीण असा करते आरोग्याचा घात, पाहा पर्याय

लिपस्टिक ही प्रत्येक स्त्रीची बेस्ट फ्रेंड असते पण तुमची ही मैत्रीण तुमच्यासाठी धोकादायक ठरू शकते. नॅशनल सेंटर फॉर बायोटेक्नॉलॉजी इन्फॉर्मेशन (NCBI) च्या माहितीनुसार जेव्हा लिपस्टिकमधील रसायने तोंडमार्फत पोटात प्रवेश करतात तेव्हा अनेक पोटांचे विकार बळावण्याची शक्यता असते. लिपस्टिक खराब येऊ नये यासाठी अनेक रासायनिक घटक वापरलेले असतात यामुळे ऍलर्जीचा धोका असतो. लिपस्टिक मधील रसायनांमुळे केवळ ओठच नव्हे तर डोळे, नाक व चेहऱ्याच्या त्वचेवरही परिणाम दिसू शकतो. लिपस्टिकमध्ये असणाऱ्या बिस्मथ ऑक्सिक्लोराईडमुळे ओठांना खाज सुटणे, ओठाच्या आजूबाजूची त्वचा लाल होणे असे त्रास होऊ शकतात. लिपस्टिकमध्ये मोठ्या प्रमाणात कॅडमियम असल्यामुळे किडनीच्या आजारांचा धोका असतो. लिपस्टिक मध्ये असणाऱ्या मँगनीज व लीड मुळे ओठ सुकण्याची व ओठातून रक्त येण्याची समस्यां जाणवू शकते. लिपस्टिक मधील लीड मुळे महिलांच्या प्रजनन क्षमतेवरही परिणाम होतो. त्यामुळे गर्भवती महिलांनी आयुर्वेदिक लिपस्टिकचा नक्कीच विचार करावा. अलीकडे बाजारात अनेक हर्बल म्हणजेच आयुर्वेदिक घटकांपासून बनलेल्या लिपस्टिक उपलब्ध आहेत. जर आपल्याला ऍलर्जीचा धोका टाळायचा असेल तर या हर्बल लिपस्टिक नक्कीच विचारात घेऊ शकता. जेव्हा आपण लिपस्टिक वापरताना काळजी घेणे गरजेचे आहे. लिपस्टिक आधी बेस म्हणून ओठांवर लीप बाम लावणे फायद्याचे ठरू शकते. लिपस्टिक लावून कधीच झोपू नये. मेकअप उतरवताना साधं तूप लावून ओठांना सुरक्षित ठेवू शकता. (सर्व फोटो: संग्रहित/ संपादित)