वाढत्या स्क्रीनटाइममुळे मुलांच्या दृष्टीची चिंता सतावतेय? डोळ्यांच्या आरोग्यासाठी कोणते खाद्यपदार्थ ठरतात उपयुक्त जाणून घ्या

1/15

आजकाल प्रत्येक लहान मुलाचा मोबाईलचा वापर वाढला आहे. अनेक लहान मुलं तर मोबाईल नसेल तर जेवत सुद्धा नाहीत, त्यामुळे त्यांचा हट्ट नाईलाजाने पालकांना पूर्ण करावा लागतो.

2/15

पण या वाढलेल्या स्क्रिन टाइममुळे लहान मुलांच्या दृष्टीवर वाईट परिणाम होऊन त्यांची दृष्टी कमजोर होण्याचे प्रमाण वाढले आहे. अगदी लहान वयात देखील मुलांना चष्मा वापरावा लागत आहे.

3/15

मुलांच्या वाढत्या स्क्रिन टाइममुळे अनेक पालक चिंतेत असतात. यावर उपाय करण्यासाठी मुलांच्या आहारात काही पदार्थांचा समावेश करू शकता, कोणते आहेत ते पदार्थ जाणून घ्या.

4/15

कठीण कवचाची फळे : कठीण कवचाची फळे – काजू, बदाम, शेंगदाणे ‘विटॅमिन ई’चे उत्तम स्रोत मानले जातात, त्यामुळे लहान मुलांनी याचे सेवन केल्यास त्यांची दृष्टी सुधारण्यासाठी नक्की मदत मिळू शकते.

5/15

यासह कठीण कवचाची फळे ‘मायोपिया’वरील घरगुती उपचारासाठी उत्तम पर्याय मानले जाते. मायोपिया म्हणजे दूरची दृष्टी अस्पष्ट होण्याची अवस्था.

6/15

काजू, बदाम, शेंगदाणे यांमध्ये ओमेगा ३ फॅटी ऍसिड आढळते. ‘ओमेगा ३ फॅटी ऍसिड’मुळे डोळ्यांचा कोरडेपणा आणि डोळ्यांचे विकार कमी होण्यास मदत होते.

7/15

हिरव्या पालेभाज्या : हिरव्या पालेभाज्यांमध्ये भरपूर प्रमाणात कॅल्शियम, विटॅमिन ए, सी आणि बी १२ आढळते, जे दृष्टीसाठी अत्यंत फायदेशीर मानले जाते.

8/15

तसेच यामुळे मुलांमध्ये वाढत्या वयानुसार होणाऱ्या मोतीबिंदू आणि मॅक्युलर डिजनरेशन हे आजार रोखण्यास मदत करते. त्यामुळे मुलांच्या आहरात हिरव्या पालेभाज्यांचा समावेश करावा.

9/15

मासे : माशांमध्ये देखील ओमेगा ३ फॅटी ऍसिड आढळते, जे लहान मुलांच्या रेटीनासाठी अत्यंत उपयुक्त मानले जाते. तसेच हे डोळ्यांचे स्नायू मजबूत करण्यास आणि मेंदूच्या आरोग्यासाठी देखील फायदेशीर ठरते.

10/15

गाजर : लहान मुलांची दृष्टी सुधारण्यासाठी गाजर फायदेशीर ठरते. यामध्ये बीटा कॅरोटीन आढळते, जे डोळ्यांच्या रेटीनासाठी फायदेशीर ठरते तसेच त्यामुळे सुर्यप्रकाशापासून संरक्षण मिळते.

11/15

स्ट्रॉबेरी आणि आंबट फळं : स्ट्रॉबेरी आणि संत्री, मोसंबी अशा आंबट फळांमध्ये ‘विटॅमिन सी’ भरपूर प्रमाणात आढळते.

12/15

‘विटॅमिन सी’ रोगप्रतिकारक शक्ती वाढवण्यास सोबतच डोळ्यांना इन्फेक्शनपासून वाचवण्यासाठी अत्यंत फायदेशीर मानले जाते.

13/15

(येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्या.)

14/15

(फोटो सौजन्य : Freepik)

15/15

(हे ही पाहा : Air Pollution: वायुप्रदूषणापासून वाचण्यासाठी ‘हे’ घरगुती उपाय करतील मदत)