Papaya Water Benefits: आरोग्यवर्धक पपईचे पाणी पिणे गुणकारी; कॅन्सरसहित ‘हे’ आजार राहतील नियंत्रणात

पपई (Papaya) हे अतिशय उपयुक्त फळ आहे. यामुळे पोटाच्या विविध समस्या दूर होऊ शकतात. त्यामुळे अनेकजण वर्षभर पपई खाण्याचा सल्ला देतात. पपईच्या फायद्यांबद्दल आपल्या सर्वांनाच माहित आहे. पपई हे फळ खाण्यास खूप चविष्ट आहेच, तसेच आरोग्यासाठीही फायदेशीर आहे. पपईमध्ये अँटी-बॅक्टेरियल गुणधर्म आहेत. ज्यामुळे पपईच्या झाडाचा प्रत्येक भाग आपल्या आरोग्यासाठी फायदेशीर आहे. हिवाळ्यात पपईचे सेवन करणे आरोग्यासाठी खूप फायदेशीर असते. याचे कारण म्हणजे पपईचा उबदार प्रभाव जो थंडीत शरीराला आतून उबदार करतो. (फोटो: freepik) विशेषत: हिवाळ्यात पपई खाल्ल्याने तुम्हाला अनेक आजारांपासून वाचवता येते. पपईचे पाणीही तितकेच फायदेशीर आहे. (फोटो: freepik) पपईमध्ये व्हिटॅमिन सी भरपूर प्रमाणात असते. म्हणूनच या फळाला रोगप्रतिकारक शक्ती वाढवणारे फळ असेही म्हणतात. यामुळेच रोगप्रतिकारशक्ती वाढवताना डॉक्टर पपई खाण्याचा सल्ला देतात. पपईमध्ये असलेले लाइकोपीन कर्करोगाचा धोका कमी करू शकते. कर्करोगावर उपचार घेत असलेल्या लोकांनाही पपई खाल्ल्याने फायदा होऊ शकतो. पपईमध्ये असलेले पॅपेन एन्झाइम प्रोटीन्सचे पचन सुलभ करते. बद्धकोष्ठतेच्या वेळीही अनेकजण घरगुती उपाय म्हणून पपईचे सेवन करतात. पपईमध्ये व्हिटॅमिन ए, कॅल्शियम, फायबर, मॅग्नेशियम, लोह, अँटी-ऑक्सिडंट्स इत्यादी गुणधर्म असतात. जर तुम्हाला वजन कमी करायचे असेल तर पपई खाणं खूपच फायदेशीर ठरते. जर तुम्ही मधुमेहाचे रुग्ण असाल आणि तुमच्या रक्तातील साखर नियंत्रित करण्याचा प्रयत्न करत असाल तर पपईचे पाणी तुमच्यासाठी फायदेशीर ठरू शकते. पपईचे पाणी डोळ्याकरता खूप फायद्याचे आहे. पपईच्या पाण्यात ल्युटीन, झेक्सॅन्थिन, व्हिटॅमिन सी आणि व्हिटॅमिन ई असते, जे वय-संबंधित मॅक्युलर डिजेनेरेशन आणि मोतीबिंदूशी लढण्यास मदत करू शकते. आरोग्याबरोबरच सौंदर्य वाढविण्यासाठी पपई प्रभावी मानली जाते. पपईचे पाणी प्यायल्याने डेड स्किन सेल्स साफ होण्यास मदत होते. चेहऱ्यावरील डाग, मुरुम, सुरकुत्या इत्यादी समस्या दूर होतात. (फोटो: संग्रहित छायाचित्र)