रात्री झोपताना अंडरवेअर घालावी की नाही? जाणून घ्या, फायदे तोटे

रात्री झोपताना अंतरवस्त्र घालावेत की नाही, याबाबत अनेकांना शंका असते. मात्र, खूप कमी लोकांना माहीत असेल की रात्री निरवस्त्र झोपणे आरोग्यासाठी अतिशय गुणकारी असते. शरीराच्या इतर अवयवांप्रमाणेच खाजगी अवयव आरामदायक राहणे गरजेचे आहे. अंतरवस्त्र घालून झोपल्याने खाजगी अवयवांच्या त्वचेला मोकळेपणा मिळत नाही. याच कारणामुळे अनेक आरोग्यतज्ञ रात्री झोपताना अंडरवेअर न घालण्याचा सल्ला देतात. अमेरिकेच्या मिशिगन स्टेट युनिव्हर्सिटीमध्ये केलेल्या एका अभ्यासात महिलांना रात्री झोपताना अंडरवेअर न घालण्याचा सल्ला दिला आहे. रात्री निरवस्त्र झोपल्याने महिलांमध्ये यीस्ट संक्रमण आणि योनी संसर्ग यांसारखे आजार होण्याची शक्यता कमी होते. रात्रीच्या वेळेस योनीची पीएच पातळी राखणे गरजेचे आहे. कारण यामुळेचे अनेक संसर्ग होण्याची संभावना असते. अभ्यासातून असेदेखील निदर्शनास आले आहे की जे पुरुष रात्री निरवस्त्र झोपतात त्यांच्या शुक्राणूंची संख्या वाढते. याउलट जे पुरुष रात्री झोपताना अंडरवेअर घालून झोपतात त्यांच्या शुक्राणूंवर वाईट प्रभाव पडू शकतो. येथे देण्यात आलेली माहिती गृहीतके आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्यावा. (सर्व फोटो : freepik)