Photos: दररोज भात खाण्याची सवय पडेल महागात? तज्ज्ञांनी सांगितलेले ‘हे’ धोके एकदा पाहाच

भारतात बहुसंख्य लोक आपल्या दैनंदिन आहारात पांढऱ्या भाताचे सेवन करतात. मात्र, काही अभ्यासातून असे दिसून आले आहे की पांढरा भात आपल्या आरोग्यासाठी घातक ठरू शकतो. वास्तविक, रोज पांढरा भात खाल्ल्याने अनेक समस्या निर्माण होऊ शकतात. तुमचे बीपी तर वाढू शकतेच पण त्याचबरोबर तुम्हाला मधुमेह आणि लठ्ठपणा देखील होऊ शकतो. चला तर मग जाणून घेण्याचा प्रयत्न करूया, पांढऱ्या तांदळामुळे तुमचे आरोग्य कसे बिघडू शकते. जर तुम्हाला लठ्ठपणाचा त्रास होत असेल तर तुम्हाला पांढरा भात खाणे टाळावे. यामध्ये कॅलरीचे प्रमाण जास्त असते, त्यामुळे वजन वाढण्याची शक्यता जास्त असते. पांढरा भात खाल्ल्याने मेटाबॉलिक सिंड्रोमची समस्या देखील होऊ शकते. त्यामुळे महिन्यातून एकदाच पांढरा भात खाण्याचा सल्ला दिला जातो. याच्या मदतीने तुम्ही मेटाबॉलिक समस्या टाळू शकता. तांदळात उच्च ग्लायसेमिक इंडेक्स असतो ज्यामुळे रक्तातील साखरेची पातळी वाढते आणि मधुमेहाचा धोका वाढतो. भातामध्ये असलेले आर्सेनिक किडनी आणि यकृताला हानी पोहोचवू शकते. तांदळातील अतिरिक्त फायटेट्स आणि प्युरिनमुळे सांधेदुखीसारख्या समस्या उद्भवू शकतात. भात खाल्ल्यानंतर गॅस, अॅसिडिटी इत्यादी पचनाच्या समस्या उद्भवू शकतात. अमेरिकन जर्नल ऑफ क्लिनिकल न्यूट्रिशनमध्ये प्रकाशित जानेवारी २०१५ च्या विश्लेषणात असे दिसून आले आहे की जास्त भात खाल्ल्याने हृदयविकाराचा धोका वाढतो. त्यामुळे पांढऱ्या तांदळाच्या सेवनावर नियंत्रण ठेवावे. म्हणूनच अनेक आरोग्यतज्ञ रोज पांढऱ्या भाताऐवजी ब्राऊन राइस किंवा लाल तांदूळ खाण्यास सांगतात. यामध्ये अधिक पोषक असतात आणि ते हृदयासाठीही फायदेशीर आहे. येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक महितीकरिता तज्ञांचा सल्ला घ्यावा. (Photos: Freepik)