चहा-कॉफी नाही, तर सकाळच्या नाश्त्याला खा सफरचंद; मिळतील ‘हे’ जबरदस्त फायदे

सफरचंद म्हणलं की काश्मिरी लाल , गोड खरपूस चवीचं फळ आपल्या डोळ्यासमोर येतं. आयुर्वेदात या फळाचे अनेक आरोग्य फायदे सांगण्यात आले आहे. सकाळच्या नाश्त्याला सफरचंद खाल्ल्यास कोणकोणते फायदे मिळू शकतात, जाणून घ्या. सफरचंदामध्ये तंतूमय पदार्थ मुबलक प्रमाणात आढळतात त्यामुळे ज्यांना आतड्याचे विकार आहे पचनाचे विकार आहेत त्यांच्यासाठी सफरचंद गुणकारी आहे. मात्र सफरचंदामध्ये असणाऱ्या सॉर्बिटॉल साखरेमुळे काही लोकांना गॅसेसचा त्रास होऊ शकतो. सफरचंदामधील आणखी एक महत्वाचे पोषणमूल्य म्हणजे त्यातील हरितके (फायटोकेमिकल्स) क्वारसेटिन, कॅटचिन, क्लोरोजनिक आम्ल, अँथोसायनिन! या फ्लॅव्होनॉइड्समुळे रोगप्रतिकारशक्ती वाढते. पेशींचे आरोग्य सुधारते . विविध प्रकारचे कॅन्सर आणि आतड्याच्या विकारांपासून दार राहण्यासाठी हे पोषणमूल्य मदत करतात. शरीराला आवश्यक ऊर्जा पुरविणे, माफक शर्करेचा परिणाम शरीरावर करणे यासारख्या गुणांमुळे सफरचंद गुणकारी फळांमधील महत्वाचे फळ आहे. दाताचे आरोग्य उत्तम राखण्यासाठी सफरचंद उपयुक्त फळ आहे. मधुमेहाचं प्रमाण कमी करण्यासाठी किंवा मधुमेह रोखण्यासाठी सफरचंद अत्यंत गुणकारी आहे. अनावश्यक कोलेस्ट्रॉल टाळण्यासाठी क्वारसेटिन अत्यंत उपयुक्त असते. सफरचंदामधील क्वारसेटिनचे मुबलक प्रमाण कोलेस्ट्रॉलच्या आरोग्यदायी प्रमाणाला कारणीभूत ठरू शकते. सफरचंदापासून तयार केले जाणारे अॅपल सायडर व्हिनेगर पोटाच्या विकारांसाठी अत्यंत उपयुक्त असते. मुतखड्याचा त्रास होताना यकृत अनेकदा कोलेस्ट्रॉल सोबत मुतखड्याचे प्रमाण वाढवते. अशावेळी आहारातील तंतुमय पदार्थ वाढविण्याचा सल्ला दिला जातो . मात्र सफरचंदाच्या नियमित सेवनाने हा त्रास होणे टाळले जाऊ शकते. सफरचंद भूक शमविणारे, समग्रतेने संतुलन राखणारे आणि शरीरातील रक्तस्त्राव नियंत्रित करणारे फळ आहे. यातील पोटॅशिअम रक्तप्रवाह आणि रक्तदाब दोघांसाठी अत्यावश्यक आणि उपयुक्त आहे. अनेक शोधाअंती असे आढळून आले आहे की नियमित सफरचंदाचे सेवन करणाऱ्या वृद्धांमध्ये पार्किन्सन्स, स्मृतिभ्रंश यासारखे आजार होत नाहीत. अनेकजण सफरचंदाच्या स्वच्छतेसाठी त्याचे साल काढून टाकतात. मात्र या सालीत तंतुमय पदार्थ सर्वाधिक असतात. त्यामुळे सफरचंद स्वच्छ धुवून घेणे ही उत्तम प्रक्रिया आहे. (सर्व फोटो : फ्रीपिक)