Photos: कर्करोग ते हृदयविकार; अनेक गंभीर आजारांवर अळशीच्या बिया लाभदायक

अळशीच्या बिया अतिशय औषधी आहेत. अळशीच्या बियांमध्ये मुबलक प्रमाणात पोषक तत्वे आढळतात. यामध्ये प्रथिने, फायबर आणि ओमेगा-३ फॅटी अॅसिड भरपूर प्रमाणात असते. याशिवाय फ्लॅक्ससीडमध्ये कार्बोहायड्रेट, कॅल्शियम, मॅग्नेशियम, फॉस्फरस, पोटॅशियम, फोलेट असतात जे आपल्या आरोग्यासाठी खूप महत्वाचे आहेत. अळशीच्या बिया केवळ लठ्ठपणावर नियंत्रण ठेवत नाहीत तर ते अनेक आजार बरे करतात. ओमेगा ३ फॅटी अॅसिड असल्याने त्याचे नियमित सेवन हृदयरोग्यांसाठी खूप उपयुक्त आहे. हेल्थलाइनच्या बातमीनुसार, अळशीच्या बिया ओमेगा ३ फॅटी अॅसिडचा उत्तम स्रोत आहेत. यामध्ये अल्फा-लिनोलेनिक अॅसिड (एएलए) देखील आढळते. कोणत्याही एका अन्नातून एकाच वेळी दोन प्रकारचे फॅटी अॅसिड मिळणे कठीण आहे. पण हे दोन्ही जवसाच्या बियांमध्ये असतात. हे कोलेस्टेरॉल कमी करते आणि रक्तवाहिन्यांना सूज येऊ देत नाही. संशोधनात असेही सिद्ध झाले आहे की अळशीच्या बियांमध्ये कर्करोगाच्या पेशी मारण्याची क्षमता असते. यामध्ये लिग्नेन आढळते. लिग्नेन हे वनस्पतींचे संयुग आहे. यामध्ये कर्करोगाशी लढण्याची क्षमता आहे. तसेच यामध्ये अँटिऑक्सिडेंट आणि इस्ट्रोजेनिक गुणधर्म आहेत. यामुळे कर्करोगाचा धोका बर्याच प्रमाणात कमी होतो. अळशीच्या बियांमध्ये इतर पदार्थांपेक्षा जास्त लिग्नेन असते. कॅनडामधील एका अभ्यासात असे आढळून आले आहे की अळशीच्या बिया खाल्ल्याने स्तनाच्या कर्करोगाचा धोका १८ टक्क्यांनी कमी होतो. अळशीमधील फायबर पचन सुधारते, बद्धकोष्टता कमी करते आणि आतड्यांचे आरोग्य सुधारते. इतकंच नाही तर यातील औषधी गुणधर्म संधिवातापासून आराम मिळवण्यासाठी गुणकारी ठरू शकतात. तसेच, अळशीच्या बिया रक्तातील साखर नियंत्रणात ठेवण्यास लाभदायक आहेत. येथे देण्यात आलेली माहिती गृहीतके आणि सामान्य माहितीवर आधारित आहे. अधिक महितीकरिता तज्ञांचा सल्ला घ्यावा. (Photos : Freepik)