Photos: रात्री झोपताना प्या वेलची घातलेले दूध; कर्करोग ते हृदयविकार, अनेक आजार होतील दूर

आजकाल बदललेली जीवनशैली आणि धावपळीचे आयुष्य यामुळे आपण आपल्या आरोग्याची काळजी घेणे विसरतो. मात्र, याच निष्काळजीपणामुळे आपली रोगप्रतिकारक शक्ती कमकुवत होऊ शकते. अशातच आपण आपल्या आहारात काही महत्त्वाचे बदल करून शरीराला पोषण देऊ शकतो. दूध हे आरोग्यासाठी आणि शरीराच्या विकासासाठी अत्यंत महत्त्वाचे असते. दुधामध्ये प्रोटीन, कॅल्शियम, व्हिटॅमिन्स यांसारखे असंख्य पोषक घटक असतात. दुधाच्या सेवनामुळे शरीराला खूप फायदा होतो. विविध आजारांपासून दूर राहण्यासाठी याची मदत होते. मात्र, दुधामध्ये वेलचीची पूड मिसळून प्यायल्यास त्यातून दुप्पट फायदे मिळू शकतात. याबद्दल आज आपण अधिक माहिती जाणून घेऊया. वेलचीमध्ये असलेले पोषक घटक तोंडाची दुर्गंधी, तोंड येण्याची समस्या, अल्सर यांसारख्या समस्या कमी करण्यास मदत करू शकतात. वेलची पूड घातलेल्या दुधामध्ये मॅग्नेशिअमचे प्रमाण भरपूर असतं. यातील घटक रक्तदाब नियंत्रणात ठेवण्यासाठी मदत करू शकतात. दुध आणि वेलची पूड एकत्र करून प्यायल्यास शरीराला अधिक प्रमाणात कॅल्शिअमचा पुरवठा होतो. यामुळे हाडांचे आरोग्य सुधारण्यास मदत मिळते. सर्दी-खोकल्याचा त्रास कमी करण्यासाठी वेलचीयुक्त दूध पिणे आरोग्यासाठी चांगले असते. यातील पोषण तत्त्वे सर्दी-खोकल्याची समस्या दूर करतात. दूध आणि वेलचीमध्ये भरपूर प्रमाणात फायबर असते. यामुळे पचन प्रक्रिया सुरळीत सुरू राहण्यास मदत मिळते. वेलचीमध्ये कॅन्सरच्या पेशींविरोधात लढणाऱ्या पोषक तत्त्वांचा समावेश आहे. यातील घटक शरीरामध्ये कॅन्सर पेशींची निर्मिती रोखण्यास मदत करू शकतात. येथे देण्यात आलेली माहिती गृहीतके आणि सामान्य माहितीवर आधारित आहे. अधिक महितीकरिता तज्ञांचा सल्ला घ्यावा. (Photos: Freepik)