Winter Healthy Diet: अनेक पोषकतत्त्वांनी समृद्ध आहे भेंडी; मधुमेह ते कॉलेस्ट्रॉल, अनेक समस्यांपासून देईल आराम

भेंडी ही भाजी व्हिटॅमिन - ए, सी, फॉलेट, पोटॅशियम, कॅल्शियम यांसारख्या पोषकतत्त्वांनी भरपूर आहे. हिवाळ्यात भेंडी खाल्ल्याने कोणकोणते फायदे होतात, जाणून घेऊया. हिवाळ्यात भेंडीचे सेवन केल्याने रोगप्रतिकारक शक्ती वाढते आणि सर्दी खोकला यांसारख्या हंगामी आजारांपासून बचाव होतो. भेंडीमधील फायबर पचन सुधारते आणि बद्धकोष्टता टाळते. तसेच हे फायबर कॉलेस्ट्रॉल कमी करते आणि रक्तदाब नियंत्रणात ठेवते. हिवाळ्यात भेंडीचे सेवन केल्यास त्वचेचा पोत सुधारतो तसेच हिवाळ्यात त्वचा कोरडी होण्यापासून प्रतिबंध होतो. भेंडीमध्ये असणारे पोषकतत्त्व रक्तातील साखरेची पातळी आणि मधुमेह नियंत्रणात ठेवण्यात मदत करतात. डोळ्यांचे आरोग्य आणि नजर सुधारण्यात भेंडी गुणकारी मानली जाते. हिवाळ्यात शरीराला ऊब मिळवून देण्यासाठी भेंडी मदत करू शकते. येथे देण्यात आलेली माहिती गृहीतके आणि सामान्य माहितीवर आधारित आहे. अधिक महितीकरिता तज्ञांचा सल्ला घ्यावा. (Photos: Unsplash)