फळांचा रस प्यावा की फळं खावी? जाणून घ्या डॉक्टर काय सांगतात…

निरोगी राहण्यासाठी फळे खाण्याचा सल्ला दिला जातो. फळांमध्ये सर्व प्रकारची पोषक तत्वे आढळतात. त्यामध्ये जीवनसत्त्वे, कार्बोहायड्रेट, खनिजे, अँटी-ऑक्सिडंट्स यांसारखे घटक असतात, जे आरोग्य सुधारण्यास मदत करतात. (Photo: Freepik) मात्र, अनेकजण फळे खाण्याऐवजी रस पिणे पसंत करतात. फळांचा रस पिणे देखील फायदेशीर आहे परंतु त्यातील फळाची साल काढून टाकल्याने फायबर आणि इतर सूक्ष्म पोषक घटक दूर होतात. (Photo: Freepik) अशावेळी प्रश्न पडतो की, दिवसभरात किती रस पिणे फायदेशीर आहे? चला तर मग जाणून घेऊयात. (Photo: Freepik) आरोग्य तज्ज्ञांच्या मते, एक कप रसामध्ये ११७ कॅलरीज आणि सुमारे २१ ग्रॅम साखर असते. त्यामुळे काही प्रकरणांमध्ये त्याचा परिणाम शरीरावर होऊ शकतो. (Photo: Freepik) विशेषतः मधुमेहाच्या रुग्णांसाठी अजिबात फायदेशीर नाही. फळांचा रस जास्त प्यायल्याने जंत होऊ शकतात. यामुळे गॅस्ट्रिकच्या रुग्णाला त्रास होऊ शकतो.(Photo: Freepik) डॉक्टरांच्या म्हणण्यानुसार, वृ्द्ध व्यक्तींनी दररोज एक ग्लासपेक्षा जास्त रस पिऊ नये, कारण जास्त रस आरोग्यासाठी हानिकारक ठरु शकतो. (Photo: Freepik) सकाळी रिकाम्या पोटी रस पिणे टाळावे असे डॉक्टरांचे म्हणणे आहे. सकाळी रिकाम्या पोटी ज्यूस प्यायल्याने पोटातील ॲसिडिटीची समस्या वाढू शकते. (Photo: Freepik) डॉक्टर सांगतात की जर तुम्हाला फळांचा रस जास्त आवडत असेल तर फळाचा रस काढल्यानंतर उरलेली सालही खावी कारण त्यात पोषक तत्वे असतात. (Photo: Freepik) तसेच रोज रस पिण्यापेक्षा फळे खावी असा सल्ला डॉक्टर देतात.(Photo: Freepik)