Cancer Symptoms: हाडांमध्ये कर्करोग पसरू लागल्यास दिसतात ‘ही’ लक्षणे; वेळीच व्हा सावध

कर्करोग हा एक अतिशय गंभीर आजार असून यापासून स्वतःचा बचाव करणे खूपच गरजेचे आहे. हाडांचा कर्करोग हा अतिशय दुर्मिळ आजार असून शरीरातील इतर भागांमधून हा कर्करोग हाडांमध्ये पसरतो. हाडांच्या कर्करोगाची लक्षणे त्याच्या आकार आणि स्थितीवर अवलंबून असतात. या लक्षणांमध्ये शरीराच्या वेदनेचा समावेश होतो. रात्रीच्या वेळेस ही वेदना वाढते. विशेष म्हणजे ज्या भागात ट्यूमर तयार होत असेल त्याच भागात ही वेदना होत असेल असे नाही. हाडांचा कर्करोग असल्यास सांध्यांना सूज येण्याची समस्या देखील वाढते. परंतु सहसा हे लक्षात येत नाही. विश्रांती घेतल्यानंतरही जर तुम्हाला सतत थकवा जाणवत असेल तर ते हाडांमध्ये पसरणाऱ्या कर्करोगामुळे असू शकते. हाडांच्या कर्करोगात हाडे कमकुवत होतात, त्यामुळे अनेकदा हालचाल करण्यात अडचण येते. याशिवाय हाडे फ्रॅक्चर होण्याचा धोका वाढतो. शरीरात कर्करोगाच्या पेशी असल्यास वजन झपाट्याने कमी होते. अशा परिस्थितीत शरीराचे वजन नेहमी तपासत राहणे गरजेचे आहे. येथे देण्यात आलेली माहिती गृहीतके आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्यावा.