१९ मे पासून ‘या’ राशी होणार श्रीमंत? शुक्रदेव शुभ राजयोग घडवून आणताच घरात येऊ शकतो प्रचंड पैसा

ज्योतिषशास्त्रानुसार, प्रत्येक ग्रह ठराविक काळानंतर आपली राशी बदलतो. हे ग्रह आपली चाल बदलून राशींमध्ये राजयोग निर्माण करतात. ज्योतिषशास्त्रानुसार, १९ मे रोजी सुखसोयी देणारा शुक्र ग्रह वृषभ राशीत प्रवेश करणार आहे. वृषभ राशीमध्ये गुरु आधीच उपस्थित आहे. शुक्र प्रवेशानंतर वृषभ राशीमध्ये गुरू आणि शुक्र यांचा युती होऊन मालव्य राजयोग आणि गजलक्ष्मी राजयोग निर्माण होईल. हा राजयोग काही राशींसाठी अतिशय शुभ ठरु शकतो. या राशींना मोठा धनलाभ आणि अपार यश लाभण्याची शक्यता आहे. चला तर जाणून घेऊया, या भाग्यशाली राशी कोणत्या... वृषभ राशीच्या लोकांना शुक्राच्या गोचरमुळे खूप फायदा होऊ शकतो. यावेळी तुम्हाला काही चांगली बातमी ऐकायला मिळू शकते. व्यावसायिकांसाठी हा काळ चांगला ठरु शकतो. व्यवसायाचा विस्तार होऊ शकतो. सिंह राशीच्या लोकांना वृषभ राशीत तयार झालेल्या मालव्य राजयोगाचा फायदा होऊ शकतो. नोकरी करणाऱ्या लोकांना नवीन संधी मिळू शकतात. या काळात प्रचंड धनलाभ होण्याची शक्यता आहे. मालव्य राजयोग कन्या राशीच्या लोकांसाठी शुभ परिणाम देणारा ठरु शकतो. आर्थिक स्थिती सुधारुन उत्पन्नाचे नवीन स्रोत निर्माण होऊ शकतात. अविवाहितांना विवाहाचे प्रस्ताव येऊ शकतात. (टीप: वरील लेख हा प्राप्त माहितीवर आधारित आहे) (फोटो सौजन्य : लोकसत्ता ग्राफिक्स टीम)