प्रदूषणाने हैराण? त्वचेचे आरोग्य धोक्यात? फॉलो करा या पाच टिप्स

आजकालच्या वाढत्या प्रदूषणामुळे शरीरावर वाईट परिणाम होतो. सर्वाधिक परिणाम हा त्वचेवर होताना दिसतो. निस्तेज त्वचा,ऍक्नेसारख्या अनेक समस्यांना सामोरे जावे लागते. या समस्यांवर लढा देण्यासाठी या पाच टिप्स त्वचेचं आरोग्य जपायला मदत करतील. त्वचेची शुद्धता : दिवसातून किमान दोन-तीन वेळा चेहरा पाण्याने धुणे आवश्यक आहे. यामुळे प्रदूषणामुळे चेहऱ्यावर असलेले धुळीचे अंश धूतले जाऊऩ आपल्याला ताजेतवाने वाटते. सत्वपूर्ण आहार : व्हिटॅमिन, फायबरसारखे अनेक सत्व असलेल्या पदार्थांचा समावेश नियमित आहारात केल्यास त्वचेचा निरोगीपणा कायम राहण्यास मदत होते. हैड्रेशन : शरीराला योग्य पाणीपुरवठा मिळणे अत्यंत गरजेचे आहे. यासाठी भरपूर पाणी पिणे फायद्याचे आहे. पाणी प्यायल्याने त्वचेचा ओलावा कायम राहतो आणि कोरडेपणा कमी होतो. सनस्क्रीन : घराबाहेर पडण्याआधी त्वचेच्या संरक्षणासाठी सनस्क्रीन लावणे अत्यंत गरजेचे आहे. हे आपल्याला सूर्याच्या किरणांपासून वाचवते आणि त्वचा निरोगी राहते. निरोगी जीवनशैली : त्वचेसह शरीराची काळजी घेणे तितकेच महत्त्वाचे आहे. निरोगी जीवनशैली फक्त त्वचेसाठीच नाही तर संपूर्ण शरीराच्या आरोग्यासाठी आवश्यक आहे. (सर्व फोटो सौजन्य ; पेक्सएल्स ) (ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. त्यातील मतांशी ‘लोकसत्ता ऑनलाइन’चा संबंध नाही. त्यामुळे कोणताही वैद्यकीय उपचार करण्यापूर्वी आरोग्यतज्ज्ञांशी व डॉक्टरांशी सल्लामसलत करणे आवश्यक आहे.)