Tea Or Coffee : चहा की कॉफी? हिवाळ्यात उत्तम पर्याय कोणता ?

हिवाळ्यात गरम चहा आणि भजी म्हटलं की, तोंडाला पाणी सुटतं. तसेच रात्री गरमागरम कॉफी म्हणजे खरं सुख, असं म्हटलं तरीही काही वावगं ठरणार नाही. पण, आपल्या शरीराच्या आरोग्यासाठी नक्की काय चांगलं, चहा की कॉफी याची सविस्तर माहिती घेऊ... कॉफीमध्ये जास्त प्रमाणात कॅफिन असल्यामुळे शरीरातील शक्ती वाढविण्यास मदत होते. चहा मात्र तलफ भागविण्यापुरतीच उपयोगी आहे. शरीरातील पाणी राखण्यासाठी किंवा हायड्रेशन कायम ठेवण्यासाठी चहा एक उत्तम पर्याय ठरेल. कॉफीमध्ये लघवी वाढविणारे पदार्थ असल्यामुळे शरीरातील पाणी कायम राहण्याची शक्यता कमी असते. चहामध्ये अँटिऑक्सिडंट्स अधिक प्रमाणात असतात आणि रोगप्रतिकार शक्ती वाढविण्यासाठी चहाची मदत होते. तसेच, कॉफीचेही फायदे आहेत; परंतु क्वचित वेळेला चिंतेमध्ये वाढ होऊ शकते. या रोगाला अँक्सिएटी, असेही म्हटले जाते. चहामध्ये विविध प्रकारचे फ्लेवर्स पाहायला मिळतात; पण कॉफीमध्ये हा गुणधर्म आपल्याला पाहायला मिळत नाही. हर्बल चहा पचनशक्ती सुधारतो आणि त्याचा उपयोग हिवाळ्यात जेव्हा जड जेवणाचे सेवन होते तेव्हा होतो. पण, कॉफीमुळे अशा वेळी अॅसिडिटी किंवा जळजळ होण्याचा त्रास होऊ शकतो. चहा बनवायला सोपा आणि सरळ असतो; परंतु कॉफी बनविण्यास थोडा वेळ लागतो. (सर्व फोटो सौजन्य : पेक्सएल्स)