तांदळाचं पाणी केसांना लावण्याचे ‘हे’ फायदे तुम्हाला माहीत आहेत का? जाणून घ्या वापरण्याची पद्धत आणि फायदे….

नैसर्गिक उपायांमध्ये तांदळाच्या पाण्याने केसांची वाढ वाढवण्याचा उपाय सध्या सौंदर्यप्रेमींमध्ये विशेष लोकप्रिय ठरतो आहे. (फोटो सौजन्य : FreePik) तांदळाच्या पाण्यात भरपूर प्रमाणात अँटीऑक्सिडंट्स, व्हिटॅमिन बी, सी, ई आणि इनॉसिटॉल हे पोषक घटक असतात. ते केसांच्या मुळांना बळकटी देतात. (फोटो सौजन्य : FreePik) त्यामुळे केसांची गळती कमी होते, केस मजबूत होतात आणि त्यांच्या वाढीचा वेगही वाढतो, असा अनुभव अनेकांनी व्यक्त केला आहे. (फोटो सौजन्य : FreePik) तांदळाचं पाणी तयार करण्यासाठी अर्धा कप कच्चे तांदूळ दोन कप पाण्यात ३० ते ४५ मिनिटे भिजवून ठेवावेत. (फोटो सौजन्य : FreePik) हे पाणी गाळून स्वच्छ बाटलीत भरावं. अधिक परिणामकारकतेसाठी हे पाणी २४ तास झाकून ठेवून फर्मेन्ट करता येतं. (फोटो सौजन्य : FreePik) शॅम्पूनंतर हे पाणी केसांना मुळांपासून टोकांपर्यंत व्यवस्थित लावावं आणि १५ मिनिटांनंतर केस साध्या पाण्याने धुऊन टाकावेत. (फोटो सौजन्य : FreePik) आठवड्यातून दोन वेळा हा उपाय केल्यास केसांना नैसर्गिक चमक, गडदपणा येतो आणि केसांची वाढ झाल्याचे स्पष्टपणे जाणवू लागते. (फोटो सौजन्य : FreePik) तथापि, काही जणांच्या बाबतीत तांदळाच्या पाण्यामुळे त्वचेची संवेदनशीलता वाढू शकते. त्यामुळे हे पाणी वापरण्यापूर्वी त्याची चाचणी घेणं आणि तज्ज्ञांचा सल्ला घेणं शहाणपणाचं ठरेल. (फोटो सौजन्य : FreePik) (हेही पाहा:Photos: ‘नैनों की पात ले जा’ म्हणत सोनालीचा ग्लॅमरस अंदाज; फोटो पाहून नेटकरी घायाळ )