एक केळे, चार ग्लास पाणी हा आम्लपित्तावर उपाय? व्हायरल हॅकबाबत तज्ज्ञांचे स्पष्टीकरण

सोशल मीडियावर एक व्हायरल हॅक लोक वेगाने शेअर करीत आहेत. त्यात असा दावा आहे की, एक केळे खाऊन लगेच चार ग्लास पाणी प्यायल्याने आम्लपित्ताचा त्रास त्वरित बरी होतो. (छायाचित्र: गेटी इमेजेस/थिंकस्टॉक) आम्लपित्त म्हणजे पोटातील आम्ल अन्ननलिकेत परत जाणे. त्यामुळे छातीत जळजळ, पोटफुगी किंवा तोंडात आंबट चव, अशी लक्षणे दिसतात. (छायाचित्र: फ्रीपिक) जास्त मसालेदार किंवा तेलकट अन्न खाणे, जेवण वगळणे, जेवल्यानंतर लगेच झोपणे किंवा ताणतणाव ही यामागची प्रमुख कारणे आहेत. (छायाचित्र: फ्रीपिक) ठाण्यातील किम्स हॉस्पिटल्सच्या मुख्य आहारतज्ज्ञ डॉ. गुलनाज शेख सांगतात की, केळे नैसर्गिकरीत्या अल्कधर्मी असते आणि ते पोटासाठी सौम्य असते. (छायाचित्र: फ्रीपिक) त्यामुळे पोटाच्या अस्तराला शांत करण्यास मदत होते. पाणी प्यायल्याने आम्ल तात्पुरते पातळ होते. त्यामुळे सौम्य आम्लपित्ताच्या त्रासामध्ये काहींना आराम मिळू शकतो. (छायाचित्र: गेटी इमेजेस/थिंकस्टॉक) मात्र, हा सर्वांसाठी जादुई उपाय नाही. काहींना एकदम जास्त पाणी प्यायल्याने पोटफुगी वाढू शकते किंवा लक्षणे अधिक बिघडू शकतात. (छायाचित्र: गेटी इमेजेस/थिंकस्टॉक) बहुतेक लोकांसाठी केळे सुरक्षित असले तरी काहींना ते गॅसचा त्रास देणारे वाटू शकते. वारंवार आम्लपित्ताचा त्रास होत असेल, तर हा उपाय अपुरा ठरतो. (छायाचित्र: फ्रीपिक) डॉ. शेख म्हणतात, “एक केळे आणि एक-दोन ग्लास पाणी योग्य आहे;पण चार मोठे ग्लास एकदम प्यायल्याने पोट ताणले जाऊ शकते आणि अस्वस्थता जाणवू शकते.” (छायाचित्र: फ्रीपिक) तज्ज्ञांच्या मते, आम्लता नियंत्रित ठेवण्यासाठी वारंवार थोडे थोडे जेवण करावे, मसालेदार पदार्थ टाळावेत, दिवसभर मधून मधून पाणी प्यावे आणि समस्या वारंवार होत असेल, तर डॉक्टरांचा सल्ला घ्यावा. (छायाचित्र: पेक्सेल्स)