Ganesh Chaturthi 2025: गणेशोत्सवात उकडीचे मोदक करताना वापरा ‘या’ सोप्या टिप्स

Ganeshotsav 2025: पुढच्या आठवड्यात सुरु होणाऱ्या गणेशोत्सवानिमित्त सध्या सगळीकडे आनंदाचे आणि उत्साहाचे वातावरण आहे. अवघ्या महाराष्ट्राचे दैवत असलेल्या या श्री गणेशाचा उत्सव यावर्षी २७ ऑगस्टपासून सुरू होईल आणि ०६ सप्टेंबरपर्यंत असेल. मोदकाचे सारण करण्यासाठी नारळ ताजा व पांढराशुभ्र असेल तर सारण उत्तम बनते. ताजे नारळ वापरल्यास मोदकाला येणारी चव देखील वेगळी असते. सारणासाठी गूळ खूप जास्त चिकट व कडक असू नये, नाहीतर सारण बिघडू शकते. उकडीचे मोदक करताना शक्यतो आंबेमोहोर तांदूळ वापरावा. अधिक चांगल्या चवीसाठी हळदीच्या पानांमध्ये मोदक उकडावे. मोदक पात्रात मोदक ठेवताना ते एकमेकांना चिकटणार नाही, याची काळजी घ्यावी. जर तुम्हाला कळ्या पाडता येत नसतील तर तुम्ही उकडीच्या मोदकाला चमच्याने कळ्या पाडू शकता. मोदक भरताना बोटांना तूप लावा ज्यामुळे नीट मोदक भरता येईल. (सर्व फोटो सौजन्य : Unsplash)