पोट नीट साफ होत नाहीये? जाणून घ्या ‘बद्धकोष्ठते’वर मात करण्याचे सोपे आणि प्रभावी घरगुती उपाय

पोट साफ न होणे ही साधी समस्या वाटू शकते; पण बऱ्याच दिवसांनीही पोट साफ न झाल्यास ते बद्धकोष्ठतेचे लक्षण असू शकते. सतत मल साफ न होणे शरीरात अस्वस्थता निर्माण करू शकते. बद्धकोष्ठतेमुळे पोट फुगणे, पोटदुखी, मळमळ किंवा हलकी उलटी होणे ही सामान्य लक्षणं दिसतात. हळूहळू पचनही कमी होऊ शकते. जर पोटात मल जमा झाला आणि तो बाहेर न येता तसाच राहिला, तर याला फेकल इम्पॅक्शन म्हणतात. ही स्थिती गंभीर ठरू शकते आणि त्यासाठी डॉक्टरांचा सल्ला घेणे गरजेचे आहे. बद्धकोष्ठतेमुळे मल कडक आणि कोरडा होतो. त्यामुळे पोट साफ होण्यासाठी खूप जास्त प्रयत्न करावे लागतात, ज्यामुळे त्रास वाढतो. बद्धकोष्ठतेमुळे फक्त पोटात त्रास नाही, तर हृदयावरही परिणाम होऊ शकतो. शरीरात तणाव आणि सूज निर्माण होते. त्यामुळे शरीराला अतिरिक्त त्रास होतो. बद्धकोष्ठता टाळण्यासाठी दररोज पुरेसे पाणी प्यावे. तसेच फळे, भाज्या, डाळी आणि संपूर्ण धान्य खाणे खूप आवश्यक आहे. कारण- यात फायबर असते, जे पचन सुधारते. हलका व्यायाम, चालणे किंवा स्ट्रेचिंग पचन प्रक्रिया सुधारण्यासाठी मदत करते. दीर्घकाळ बसून काम करणाऱ्यांनी विशेष लक्ष द्यावे. काही लोकांसाठी स्टूल सॉफनर किंवा डॉक्टरांच्या सल्ल्याने औषध घेणे आवश्यक असते. स्वतःहून जास्त औषध घेणे टाळावे. पोटात तीव्र दुखणे, उलटी, गॅस न जाणवणे किंवा जास्त फुगणे यांसारखी गंभीर लक्षणे दिसल्यास ताबडतोब डॉक्टरांचा सल्ला घ्यावा. लवकर लक्ष न दिल्यास गंभीर समस्या टाळता येतात. (सर्व फोटो सौजन्य : फ्रीपिक)