Bhau Beej 2025: भाऊबीज करताना भावाला ‘याच’ दिशेला बसावावे? काय सांगते पौराणिक कथा..

Diwali: दिवाळीतील भाऊबीज हा सण भाऊ-बहिणीच्या प्रेमाचे प्रतीक आहे. कार्तिक महिन्याच्या शुक्ल पक्षाच्या दुसऱ्या दिवशी हा सण साजरा केला जातो. भाऊबीजच्या शुभ दिवशी, भावाला पूर्वेकडे तोंड करून पाट किंवा आसनावर बसवावे. टिळा लावण्याआधी, बहिणीने भावाच्या डोक्यावर अक्षता टाकाव्यात. टिळा लावताना बहिणीने भावासाठी दीर्घायुष्य, सुख, समृद्धी आणि आनंदाची प्रार्थना करावी. सुपारी आणि सोन्याच्या दागिण्याने ओवाळावे. साखर किंवा मिठाई देऊन त्याचे तोंड गोड करावे. तुप किंवा तेलाच्या दिव्याने आरती ओवाळावी. भाऊ बहिणीला भेटवस्तू देतो आणि तिचे रक्षण करण्याचे वचन देतो. (भाऊबीजेशी संबंधित पौराणिक कथा) मान्यतेनुसार, या दिवशी मृत्यूचा देव यमराज आपली बहीण यमुनेकडे तिने अनेकवेळा बोलावल्या नंतर तिच्या भेटीला गेला होता. यमुनेने यमराजाला भोजन दिले आणि टिळक करून त्यांच्या सुखी आयुष्यासाठी प्रार्थना केली. प्रसन्न होऊन यमराजांनी बहीण यमुना यांना वरदान मागायला सांगितले. यमुना म्हणाली की तू दरवर्षी या दिवशी माझ्या घरी ये आणि या दिवशी जी बहीण आपल्या भावाला टिळक करेल ती तुला घाबरणार नाही. यमराजाने यमुनेला वरदान दिले. या दिवसापासून भाऊबीज उत्सवाला सुरुवात झाली असे म्हणतात. Disclaimer- वरील माहिती केवळ श्रद्धा आणि ज्योतिषशास्त्रानुसार मिळालेल्या माहितीच्या आधारे देण्यात आली आहे. लोकसत्ता कोणत्याही माहितीचे समर्थन करत नाही. (हेही पाहा : भाऊबीजेला कमी वेळात घराबाहेर काढा 'अशी' रांगोळी; बघून लाडका भाऊ होईल खुश)