Flood of Death Photos : १५ मिनिटांमध्ये गावच्या गावं गेली वाहून; १५३ जणांचा मृत्यू, हजारो बेपत्ता

1/50

युरोपमधील काही भागांमध्ये आलेलेल्या पुरामध्ये संपूर्ण गावचं गावं वाहून गेली आहे.

2/50

अचानक आलेल्या या पुरामध्ये आतापर्यंत (१७ जुलै २०२१ पर्यंत) १५३ जणांचा मृत्यू झाला आहे.

3/50

मरण पावलेल्या १५३ जणांपैकी १३३ जण हे पश्चिम जर्मनीतील आहे.

4/50

पूरग्रस्त भागांमध्ये मदतकार्य वेगाने सुरू करण्यात आलं आहे.

5/50

बेपत्ता झालेल्या शेकडो जणांचा कसून शोध घेतला जात असल्याची माहिती अधिकाऱ्यांनी दिलीय.

6/50

जर्मनीमधील बिल्ड या वृत्तपत्राने अचानक आलेल्या या पुराला 'Flood of Death' म्हणजेच, 'मृत्यूचा पूर' असं म्हटलं आहे.

7/50

अचानक आलेल्या या पुरामुळे स्थानिकांना सुरक्षितस्थळी जाण्याचाही वेळ मिळाला नाही.

8/50

हे सारं इतक्या पटकन घडलं की अनेक गाड्या अशाप्रकारे हायवेवरच होत्या त्या ठिकाणी बुडाल्या.

9/50

या फोटोमध्ये बुडलेल्या कंटेनरवरुन पाण्याच्या पातळीचा अंदाज सहज लावता येतोय.

10/50

मोठ्या आकाराच्या गाड्याही वाहून गेल्यात.

11/50

बेल्जियमच्या काही भागांनाही या पुराचा फटका बसलाय.

12/50

अनेक भागांमध्ये रस्ते आणि घरं पाण्याखाली गेली आहेत.

13/50

अनेक ठिकाणी पुराच्या पाण्यामघ्ये गाड्याही वाहून गेल्या आहेत.

14/50

काही जिल्ह्यांचा संपर्क पूर्णपणे तुटलाय.

15/50

"अवघ्या १५ मिनिटांमध्ये सारं काही पाण्याखाली गेलं," असं येथील एका २१ वर्षीय अ‍ॅगरॉन बेर्शिचा याने एफपीशी बोलताना सांगितलं.

16/50

डेकोरेटर असणाऱ्या अ‍ॅगरॉनने, "आमचं ऑफिस, घर, शेजाऱ्यांचं घर सगळीकडे पाणीच पाणी आहे," असंही सांगितलं.

17/50

पुराच्या पाण्यामध्ये घरं अगदी बेटांप्रमाणे दिसत होती.

18/50

झाडं पडल्याने खूप साऱ्या गाड्यांचं नुकसान झालं आहे.

19/50

आम्ही मागील २० वर्षांपासून येथे राहत आहोत. मात्र यापूर्वी निर्सगाचा असा प्रकोप कधीही पाहिला नाही. हे एखाद्या युद्धभूमीमध्ये असल्यासारखं आहे, असं येथील स्थानिकांनी म्हटलं आहे.

20/50

ऱ्हाइनलॅण्ड-पॅलटिनेटचे इंटीरीयर मिनिस्टर असणाऱ्या रॉजर लिवेत्झ यांनी मृतांचा आकडा वाढण्याची भीती व्यक्त केलीय.

21/50

मदतकार्य पोहचवणाऱ्या टीम अद्याप प्रभावित प्रदेशामध्ये पूर्णपणे पोहचलेल्या नाही. त्यामुळे मृतांचा आकडा अधिक असण्याची शक्यता नाकारता येत नाही, असं लिवेत्झ म्हणालेत.

22/50

मुसळधार पावसामुळे पुराचे पाणी गल्ल्यांमध्ये शिरले आणि त्यामध्ये अनेक गाड्या वाहून गेल्या आणि घरे कोसळल्याचं अधिकाऱ्यांनी सांगितलं आहे.

23/50

इर्फस्टॅड्टमध्ये पुरामुळे भुस्सखलन झाल्याने अनेक लोक या ढिगाऱ्या खाली गाडले गेल्याची भीती व्यक्त केली जात आहे.

24/50

बेल्जियमलाही या पुराचा फटका बसला असून शुक्रवारच्या आकडेवारीनुसार बेल्जियममधील २० जणांचा आतापर्यंत या पुरामध्ये मृत्यू झालाय.

25/50

२१ हजार जणांची वस्ती असणाऱ्या भागांमधील वीजपुरवठा खंडित झाल्याचं बेल्जियमने म्हटलं आहे.

26/50

आमच्या देशामधील हा सर्वात मोठा नैसर्गिक प्रकोप असल्याचं बेल्जियमचं पंतप्रधान अ‍ॅलेक्झॅण्डर डी कूर यांनी गुरुवारी एक दिवसाचा राष्ट्रीय दुखवटा जाहीर करताना सांगितलं.

27/50

जर्मनीतील ऱ्हाइनलॅण्ड-पॅलटिनेटमध्ये गुरुवारपर्यंत मृतांचा आकडा ५० होता. तर शेजारी असलेल्या उत्तर ऱ्हाइन-वेस्टफालिया राज्यात ४३ जणांचा मृत्यू झाल्याचे अधिकाऱ्यांनी सांगितलं होतं.

28/50

इर्फस्टॅड्ट शहरात घरामध्ये अडकून पडलेल्या नागरिकांच्या मदतीसाठी मदतकार्य पथक तातडीने रवाना झाले आहेत.

29/50

अनेक जणांचा घरे कोसळून मृत्यू झाल्याचे प्रादेशिक अधिकाऱ्यांनी सांगितले.

30/50

आम्ही गुरुवारी रात्री ५० जणांची त्यांच्या घरातून सुखरूप सुटका केली, आणखी १५ जणांची सुटका करण्याचे प्रयत्न सुरू आहेत, असे प्रशासकीय अधिकारी फ्रॅन्क रॉक यांनी सांगितलं होतं.

31/50

अनेकजण मिळेल ते सामान गोळा करुन घेताना दिसत आहेत.

32/50

जर्मनीतील जवळपास १३०० जण अद्यापही बेपत्ता आहेत, असे अधिकाऱ्यांनी सांगितले.

33/50

लक्झ्मबर्ग आणि नेदरलँड्सलाही या पुराचा फटका बसला आहे.

34/50

लक्झ्मबर्ग आणि नेदरलँड्सलामध्येही हजारो लोकांना स्थलांतरीत करण्यात आलं आहे.

35/50

काही ठिकाणी पुराचं पाणी अनेक दिवस ओसरलेलं नाहीय.

36/50

अनेक ठिकाणी अत्यावश्यक सेवा पुरवण्यासाठी अशाप्रकारे साचलेल्या पाण्यामधून पुरवठा केला जातोय.

37/50

हजारो घरांची पडझड झालीय तर काही अशाप्रकारे थेट वाहून गेलीयत.

38/50

गाड्या तर खेळण्यातील गाड्यांप्रमाणे पुराच्या पाण्यात वाहून गेल्यात.

39/50

गाड्यांना रस्त्यांवरुन बाजूला काढण्यासाठी अनेक ठिकाणी अशाप्रकारे क्रेन्सचा वापर केला जातोय.

40/50

रस्त्यांचंही मोठं नुकसान झालं आहे.

41/50

काही ठिकाणी तर भूकंपानंतर पडतात तशा मोठमोठ्या भेगा रस्त्यांवर पडल्यात.

42/50

अवजड सामानही पुराच्या पाण्यामध्ये वाहून गेलं आहे.

43/50

तुमचा विश्वास बसणार नाही पण हा एक कालवा आहे. पुराचं पाणी वाहून गेल्यानंतर पाण्यासोबत वाहून आलेल्या वस्तूंचा अशाप्रकारे खच पडलाय.

44/50

छोट्या उद्योजकांचंही फार नुकसान झालं आहे.

45/50

पाण्याची डबकी तयार झाल्याने रोगराई पसरण्याची भीती व्यक्त केली जातेय.

46/50

सगळीकडे हे असच चित्र दिसत आहे. घरातून बाहेर पडल्या पडल्या पुरातून वाहून आलेला मलबाच दूरदूरपर्यंत दिसत आहे.

47/50

रस्ते वाहतुकीला अडथळा ठरणाऱ्या आणि वाहून आलेल्या गाड्यांना बाजूला केलं जात आहे.

48/50

रस्ते वाहतुकी सुरळीत करण्यासाठी रस्त्याच्या बाजूला काढून ठेवलेला पुराच्या पाण्यात वाहून आलेला लाकडांचा हा ढिगारा पाहूनच पूर किती भयंकर होता याचा अंदाज बांधता येतो.

49/50

लवकरात लवकर मदतीच्या प्रतिक्षेत असणाऱ्यांपर्यंत पोहचण्याचं आव्हान सध्या मदतकार्यामध्ये असलेल्या टीम्ससमोर आहे.

50/50

हे मदतकार्य आखीन बऱ्याच दिवस सुरु राहणार असल्याचं सांगतिलं जातं आहे. येथील राहणीमान पूर्वव्रत व्हायला बराच कालावधी जाणार आहे. (सर्व फोटो रॉयटर्सवरुन साभार)