Photos : आंदोलनस्थळावरील ‘ती’ झोपडी JCB ने उचलत ट्रकमधून थेट पंजाबला, १०० हून अधिक कार्यकर्ते स्वच्छता मोहिमेवर

1/12

वर्षापेक्षा अधिक काळ चाललेल्या दिल्ली सीमेवरील शेतकरी आंदोलनाने आपल्या मागण्या मान्य करून घेत घराकडे परतायला सुरुवात केलीय.

2/12

घरी परतत असताना हे शेतकरी आंदोलनस्थळावरील आपल्या अनेक आठवणी सोबत घेऊन जात आहेत. यात एका झोपडीचाही समावेश आहे.

3/12

ही झोपडी जेसीबीच्या सहाय्याने ट्रकमध्ये भरून पंजाबला नेण्यात आली.

4/12

याशिवाय सिंघू सीमेवर आंबेडकर ग्रंथालय सुरू करणाऱ्या गुरदीप आणि इतर अनेक आंदोलकांनी या काळात तयार केलेल्या झोपड्यांचे लाकूड आणि इतर साहित्य आजूबाजूच्या गरीब मजुरांनाही देऊ केले आहे.

5/12

यातून शेतकऱ्यांनी खऱ्या अर्थाने शेतकरी-कामगार एकता दाखवल्याचं किसान एकता मोर्चाच्या अधिकृत ट्विटर हँडलवर म्हटलं आहे.

6/12

शेतकऱ्यांनी आंदोलनस्थळ सोडताना या परिसराची साफसफाई करण्याची मोहीमही हाती घेतली. यासाठी १०० हून अधिक स्वयंसेवक आणि २० जेसीबी काम करत आहेत.

7/12

शेतकऱ्यांनी आंदोलनस्थळ सोडल्यानंतर दिल्ली पोलिसांनी सिंघू सीमेवर लावलेले बॅरिकेट्स आणि सिमेंटच्या भिंती हटवण्यास सुरुवात केलीय. यावर आंदोलक शेतकऱ्यांनी निशाणा साधत पोलिसांनीच रस्ते बंद केल्याचं म्हटलं.

8/12

किसान मजदूर एकता रुग्णालयाचे संस्थापक असलेल्या लाईफ केअर फाऊंडेशनने सिंघू सीमेवर आंदोलनाच्या काळात मृत्यू झालेल्या शेतकऱ्यांना अभिवादन करण्यासाठी मेणबत्ती प्रज्वलित केल्या.

9/12

या आंदोलनात महिलांचा मोठा सहभाग होता. हे आंदोलन संपल्यानंतर इतर आंदोलकांसह या महिला देखील घराकडे परतत आहेत.

10/12

आंदोलक घराकडे परतत असताना त्यांच्यावर विमानातून फुलांचा वर्षाव करण्यात आला.

11/12

यासाठी विशेष विमानाचा वापर करण्यात आला.

12/12

लहान मुलांनी देखील ठिकठिकाणी हातात झेंडे घेत आंदोलकांचं घरी स्वागत केलं आहे.