-
आजपर्यंत एकमेकांवर जहाल टीका करण्यापर्यंत मर्यादित असलेल्या शिवसेना आणि शिंदेगटातील वादाचे आज जहाल संघर्षात रुपांतर झाले.
-
आज बुलढाणा बाजार समितीत पोलीस बंदोबस्तात सुरू असलेल्या शिवसेनेच्या सत्कार कार्यक्रमात हा प्रकार घडला.
-
यात सेनेचे उपनेते लक्ष्मण वडले यांच्यासह काही पदाधिकाऱ्यांना लक्ष्य करण्यात आले.
-
प्राथमिक माहितीनुसार, शिवसेनेचे संपर्क प्रमुख नरेंद्र खेडेकर, जिल्हाप्रमुख जालिंदर बुधवत, उपजिल्हाप्रमुख संजय हाडे यांच्यासह उपनेते लक्ष्मण वडले यांना धक्काबुक्की करण्यात आली.
-
विशेष म्हणजे, पोलिसांसमोरच हा हल्ला झाला.
-
पोलिसांनी गोंधळ वाढू लागल्यानंतर हस्तक्षेप करत काही जणांना सभागृहाबाहेर काढलं.
-
खेडेकर यांनी हल्ला करणाऱ्यांत आमदार संजय गायकवाड यांचे पुत्र कुणाल गायकवाड तसेच त्यांचे सहकारी आघाडीवर होते, असा आरोप केला आहे.
-
या वादामधील आमदार पुत्राच्या सहभागासंदर्भातील अनेक चित्रफिती उपलब्ध आहेत.
-
सुमारे १५ मिनिटे चाललेल्या या राड्यात पोलिसांनी बघ्याची भूमिका घेतल्याचा आरोपही त्यांनी केला.
-
यावेळी खुर्च्यांची फेकाफेक करीत लाथाबुक्क्यांनी मारहाण करण्यात आली.
-
पोलिसांनी परिस्थिती नियंत्रणात आणण्यासाठी सर्वांनाच सभागृहाबाहेर काढलं.
-
या कार्यक्रमाच्या ठिकाणी खुर्च्यांचा खच पडला होता.
-
अगदी सभागृहाच्या बाहेरही तुटलेल्या खुर्च्या पडल्याचं पहायला मिळालं.
-
घटनेनंतर पोलिसांची अतिरिक्त कुमक दाखल झाली.
-
पोलिसांची अतिरिक्त कुमक दाखल झाल्यामुळे हल्ला करणाऱ्या शिंदेगटातील सैनिकांनी पोबारा केला.
-
सेनेचे उपनेते लक्ष्मण वडले यांच्या समर्थकांनी नंतर सभागृहाबाहेर घोषणाबाजी केली.
-
आवाज कुणाचा, शिवसेनेचा असं म्हणत वडले यांचे समर्थक घोषणाबाजी करत होते.
