PHOTOS : मुख्यमंत्री एकनाथ शिंदे बळीराजाच्या भूमिकेत; गावाकडील शेतात रमले

मुख्यमंत्री एकनाथ शिंदे यांनी दोन दिवसांच्या सातारा दौऱ्यात आपल्या दरे (ता.महाबळेश्वर) गावातील शेतास भेट दिली. या ठिकाणी मुख्यमंत्री शिंदे यांनी शिवारफेरी केली. याचबरोबर मुख्यमंत्र्यांनी शेतकऱ्याप्रमणे शेतातील काही कामही केली. शेतावरील जनावरांना त्यांनी चारा दिला. मुख्यमंत्र्यांच्या शेतात गवती चहा, हळद, हिरवी मिरची आदी पिकांची लागवड केलेली आहे. याशिवाय स्ट्रॉबेरीची लागवडही करण्यात आलेली आहे. यावेळी मुख्यमंत्री शिंदे यांनी यंत्राद्वारे शेतातील पिकाची मशागतही केली. मुख्यमंत्री स्वत: शेतात काम करताना पाहून गावकऱ्यांनाही आनंद झाला. गावचा सुपुत्र राज्याचा मुख्यमंत्री झाल्याने गावकऱ्यांनीही एकनाथ शिंदे यांचं उत्साहात स्वागत केल.