PHOTOS : महाविकास आघाडीच्या ‘महामोर्चा’त तेजस ठाकरेंची उपस्थिती चर्चेचा विषय; सक्रीय राजकारणात येणार?

राज्यपाल भगतसिंग कोश्यारींसह भाजपा नेत्यांनी शिवरायांबाबत केलेली वादग्रस्त विधानं, महागाई, बेरोजगारी आणि सीमाप्रश्नांसह विविध मुद्द्यांवरून सत्ताधारी भाजपा-शिंदे गटाविरोधात आज महाविकास आघाडीकडून महामोर्चाचे आयोजन करण्यात आले होते. यावेळी राष्ट्रवादी काँग्रेसचे अध्यक्ष शरद पवार, उद्धव ठाकरे, अजित पवार, नाना पटोले यांच्यासह महाविकास आघाडीचे सर्वच नेते सहभागी झाले होते. महाविकास आघाडीच्या मोर्च्यात तेजस ठाकरे आणि उद्धव ठाकरे यांच्या पत्नी रश्मी ठाकरेदेखील उपस्थित होत्या. तेजस ठाकरेही मोर्च्यात सहभागी झाल्याने हा सर्वांच्याच चर्चेचा विषय ठरला. यावेळी तेजस ठाकरे यांच्या उपस्थितीने सर्वांचेच लक्ष वेधून घेतले होते. तेजस ठाकरे यांनी यावेळी कार्यकर्त्यांशी संवादही साधला. यावेळी राष्ट्रवादी काँग्रेसच्या खासदार सुप्रिया सुळे देखील उपस्थित होत्या. तेजस ठाकरे यापूर्वीदेखील अनेकदा राजकीय व्यासपीठावर दिसून आले होते. तेव्हाही तेजस ठाकरे यांच्या राजकीय प्रवेशाबाबत चर्चा रंगल्या होत्या. तेव्हाही तेजस ठाकरे यांच्या राजकीय प्रवेशाबाबत चर्चा रंगल्या होत्या. फोटो सौजन्य - सोशल मीडिया