कोट्यवधींची संपत्ती, एका प्रवचनासाठी घेतात हजारो रुपये; वादात सापडेल्या धीरेंद्र कृष्ण शास्त्रींबद्दल ‘या’ गोष्टी माहीत आहेत का?

बागेश्वर धाम सरकारचे प्रमुख धीरेंद्र कृष्ण शास्त्री सध्या खूप चर्चेत आहेत. त्यांच्या दरबारला (प्रवचन) अनेक राजकीय नेत्यांसह हजारो लोक गर्दी करतात. अलिकडेच ते प्रवचनासाठी नागपूर येथे आले असता अखिल भारत अंधश्रद्धा निर्मुलन समितीने धीरेंद्र शास्त्री यांच्या चमत्कारिक शक्तींना आव्हान दिले. अंनिसने धीरेंद्र शास्त्री यांना त्यांच्या चमत्कारिक शक्ती जाहीरपणे सिद्ध करण्याचं आव्हान दिले आहे. अन्यथा त्यांच्याविरुद्ध पोलीस एफआयआर दाखल करण्यात येईल, असेही समितीने म्हटले आहे. धीरेंद्र शास्त्री यांनी त्यांच्या दिव्यदृष्टीचा चमत्कार सिद्ध करून दाखवावा आणि ३० लाख रुपयांचे बक्षीस घेऊन जावे, असे अंधश्रद्धा निर्मूलन समितीचे राष्ट्रीय संघटक प्रा. श्याम मानव जाहीर केले आहे. धीरेंद्र कृष्ण शास्त्री यांचा जन्म ४ जुलै १९९६ रोजी मध्य प्रदेशमधल्या छतरपूरजवळील गडागंज या गावात झाला. शास्त्री यांचं कुटुंब गडगंजमध्ये राहते. तेथेच प्राचीन बागेश्वर धाम मंदिर आहे आणि त्यांचे वडिलोपार्जित घरदेखील आहे. धीरेंद्र शास्त्री यांची दर महिन्याची कमाई जवळपास ३.५ लाख रुपये इतकी असल्याचे सांगण्यात येते. शास्त्री एक कथा किंवा प्रवचन सांगण्यासाठी हजारो रुपये घेतात. धीरेंद्र कृष्ण शास्त्री यांची नेटवर्थ ९ कोटी रुपये इतकी सांगितली जात आहे. परंतु शास्त्री यांचं म्हणणं आहे की, ते या पैशांचा वापर भुकेल्या लोकांना अन्न देण्यासाठी आणि गरजूंच्या मदतीसाठी करतात. धीरेंद्र कृष्ण शास्त्री एक गोशाळा देखील चालवतात. बागेश्वर धामचे प्रमुख धीरेंद्र कृष्ण शास्त्री यांच्यावर अंधश्रद्धेला प्रोत्साहन दिल्याचा आरोप करण्यात आला आहे. त्यांच्यावर नागपुरात गुन्हा देखील दाखल करण्यात आला आहे. याप्रकरणी पोलिसांनी कारवाई न केल्यास न्यायालयात धाव घेणार असल्याचे अंधश्रद्धा निर्मूलन समितीचे म्हणणे आहे. (सर्व फोटो- फेसबूक- dhirendra krishna shastri)