PHOTOS : डोक्याला भगवा गमच्छा, बुलेट राईड अन् मुखी ‘जय श्री राम’; नवनीत राणांकडून रामनवमीच्या खास शुभेच्छा, म्हणाल्या…

रामनवमीनिमित्त अमरावतीच्या खासदार नवनीत राणा यांचा एक व्हिडीओ सध्या सोशल मीडियावर प्रचंड व्हायरल होतो आहे. या व्हिडीओत खासदार नवनीत राणा या बुलेट चालवताना दिसत आहे. नवनीत राणा यांनी काळा पोशाख आणि डोक्याला भगवा गमछा बांधून बुलेट राईडचा आनंद घेतला. हम अखंड ब्रम्हांड के राजा श्रीराम के भक्त है ना, हार की फिक्र करते है, ना जितका जिक्र करते है, असे म्हणत त्यांनी बुलेट राईडला सुरुवात केली. बुलेट चालवताना त्यांनी 'जय श्री राम'चा अशी घोषणाबाजी करत अमरावतीकरांना रामनवमीच्या शुभेच्छाही दिल्या. दरम्यान, येत्या हनुमान जयंतीला शहरातील छत्रीतला परिसरात खासदार नवनीत राणा आणि आमदार रवी राणा यांच्या हस्ते हनुमानाच्या भव्य मूर्तीची प्राणप्रतिष्ठापणा करण्यात येणार आहे. या सोहळ्यात हनुमान चालीसा पठण देखील केले जाणार आहे. तसेच हनुमान चालीसा पठाण सोहळ्यात सहभागी होणाऱ्यांना चांदीचा शिक्का आणि हनुमान चालीसाचे पुस्तक दिले जाणार आहे. सोशल मीडियावर हनुमान जयंतीच्या तयारी संदर्भात खासदार नवनीत राणा यांचे बॅनर व्हायरल होत आहे. यावर नवनीत राणा यांचा 'हिंदू शेरणी' असा उल्लेख करण्यात आला आहे. मुंबई आणि अमरावतीमध्ये नवनीत राणा यांचे 'हिंदू शेरणी नावाचे पोस्टर बघायला मिळत आहे.