Photos : मोदी, पवार, शिंदे, फडणवीस ते ठाकरे, अमृता फडणवीसांचे बिनधास्त प्रश्न, राज ठाकरेंचे परखड उत्तरं, वाचा…

महाराष्ट्र नवनिर्माण सेनेचे अध्यक्ष राज ठाकरे त्यांच्या स्पष्टवक्तेपणासाठी ओळखले जातात. याशिवाय राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीसही त्यांच्या बिनधास्त स्वभावासाठी ओळखल्या जातात. बुधवारी (२६ एप्रिल) हे दोघेही लोकमतच्या मंचावर आले आणि अमृता फडणवीस यांनी राज ठाकरेंना थेट प्रश्न विचारले. यावर राज ठाकरे यांनीही परखड उत्तरं दिली. त्याचा हा आढावा. राज ठाकरेंची आजही एकदम डॉनसारखी प्रतिमा आहे - अमृता फडणवीस म्हणजे चांगल्या डॉनची प्रतिमा आहे.उद्योग क्षेत्र, चित्रपटसृष्टी असो किंवा राजकारणी असो, आजही राज ठाकरेंना घाबरतात - अमृता फडणवीस ही प्रतिमा तुम्ही जाणूनबुजून तयार केली की तुमचं व्यक्तिमत्त्व, आंदोलनं, तुमच्यावरील दाखल गुन्हे यामुळे घाबरतात? - अमृता फडणवीस प्रतिमा ही काही तयार केलेली गोष्ट नसते. तयार केलेली गोष्ट ही तात्पुरती असते - राज ठाकरे मुळात मी तसा असेन. डॉन नाही, पण तसा मी 'नो नॉनसेन्स'वाला माणूस आहे - राज ठाकरे मी परखडपणे बोलत असेल, स्पष्टपणे बोलत असेन, पण उद्धटपणे बोलत नाही - राज ठाकरे अनेकदा लोकांना स्पष्टपणा आणि उद्धटपणातील फरक कळत नाही. असं असलं तरी मी स्पष्टपणे बोलतो - राज ठाकरे मला राग फार पटकन येतो. तो राग तितक्याच पटकन मावळतोही, पण राग येतो - राज ठाकरे मला कित्येकदा आमच्या पक्षातील लोक म्हणतात की, जरा कमी स्पष्ट बोला - राज ठाकरे यावर अमृता फडणवीसांनी तुम्ही स्पष्ट बोलता असं म्हणत राज ठाकरेंना पाच नेत्यांची नावं घेऊन त्यांना तुम्ही काय सल्ला द्याल? असं विचारलं. अमृता फडणवीस - एकनाथ शिंदे, राज ठाकरे - जपून राहा अमृता फडणवीस - देवेंद्र फडणवीस, राज ठाकरे - वरती संबंध नीट ठेवा अमृता फडणवीस - अजित पवार, राज ठाकरे - मला ५ तारखेच्या माझ्या रत्नागिरीतील सभेत सविस्तर बोलायचं आहे. एका वाक्यात बोलायचं नाही, पण अजित पवार बाहेर जेवढं लक्ष देत आहेत तेवढंच त्यांनी काकांकडेही लक्ष द्यावं. अमृता फडणवीस - उद्धव ठाकरे, राज ठाकरे - उद्धव ठाकरेंना काय सांगणार मी, ते स्वयंभू आहेत. अमृता फडणवीस - आदित्य ठाकरे, राज ठाकरे - तेच ते. तुम्ही म्हणालात की देवेंद्र फडणवीसांनी जरा वर लक्ष दिलं पाहिजे, तसं त्यांनी घरीही लक्ष दिलं पाहिजे - अमृता फडणवीस मला तुमच्या घरच्या प्रश्नांमध्ये आणू नका. मला जेव्हा तुम्ही मुलाखत घेणार हे समजलं... - राज ठाकरे तुम्हाला तुमच्या व्यक्तिगत आयुष्यात फिरण्यासाठी, नातेसंबंध दृढ करण्यासाठी, सोबत देण्यासाठी वेळ असतो का? - अमृता फडणवीस आपल्या घरातील जी परिस्थिती आहे ती प्रत्येक राजकारण्याच्या घरी असते - अमृता फडणवीस देवेंद्र फडणवीस म्हणतात की, व्यग्र राजकारणी असेच असतात, म्हणून मी तुम्हाला विचारून हे तपासत आहे - अमृता फडणवीस मी तुम्हाला एक गोष्ट निश्चित सांगेन की, देवेंद्र फडणवीस हे २०१४ मध्ये सत्तेत आले. ते मुख्यमंत्री होते. त्यामुळे त्यांच्या खांद्यावर जबाबदारी असते - राज ठाकरे आताही ते उपमुख्यमंत्री आहेत. त्यामुळे गेल्या काही ७ ते ८ वर्षात ते तु्म्हाला वेळ देऊ शकले नसतील - राज ठाकरे परंतु तुम्हाला त्यांनी आधी वेळ दिला आहे. तुमचे फोटो मी पाहिले आहेत - राज ठाकरे पण मला ते भेटले तर मी नक्कीच याबद्दल त्यांच्याशी बोलेन. मी त्यांना काही ठिकाणंही सुचवेन - राज ठाकरे धन्यवाद, त्यांना काही ऑफर असतील त्याही सांगा - अमृता फडणवीस शर्मिला ठाकरे सक्रिय राजकारणात आल्या तर तुम्हाला चालेल का? - अमृता फडणवीस मी घरचं काम करायला तयार आहे - राज ठाकरे शर्मिला ठाकरे राजकारणात येऊन तुमच्या पुढे निघून गेल्या, तर तुम्हाला झेपेल का? - अमृता फडणवीस हो, मला याची काहीच अडचण नाही. पण तुमच्या नंतर लक्षात येईल की राज ठाकरे परवडला - राज ठाकरे आपल्याला परवडणारे लोकच नकोय - अमृता फडणवीस कधी तुम्ही राष्ट्रवादीच्या जवळ दिसता… कधी बाळासाहेब ठाकरेंच्या शिवसेनेबरोबर दिसता… तर कधी भाजपाला टाळी देता - अमृता फडणवीस तुमचं ‘कभी हा कभी ना’ हे नाटक खूप पाहिलंय. पण आता ‘हम साथ साथ है’ हे कुणाबरोबर आणि कधी करणार? - अमृता फडणवीस तुम्ही देवेंद्र फडणवीसांच्या पत्नी म्हणून मला हे विचारत नाहीत, त्यामुळे मी बोलूनच टाकतो - राज ठाकरे सध्या महाराष्ट्राचे उपमुख्यमंत्री (देवेंद्र फडणवीस) कुणाबरोबर आहेत? हेच कळत नाही - राज ठाकरे कारण ते पहाटे गाडी घेऊन कुठेतरी जातात… हे कित्येकदा तुम्हालाही माहीत नसतं, मग ते कधीतरी शिंदेंबरोबर असतात - राज ठाकरे तर कधी पहाटे अजित पवारांचा चेहरा उतरलेला दिसतो, अशा अनेक गोष्टी घडताना दिसतात - राज ठाकरे कुणाला तरी भेटणं, ही प्रसारमाध्यमांसाठी बातमी झालीये - राज ठाकरे राजकारणातील मोकळेपणा मीडियाने घालवला आहे. त्यामुळे या सगळ्या गोष्टींना काही अर्थ नाही - राज ठाकरे कुणी कुणाशी बोललं आणि कुणी कुणाला भेटलं तर लगेच युती किंवा आघाडी होत नसते - राज ठाकरे जोपर्यंत याला मोठं स्वरुप येत नाही. तोपर्यंत त्यावर बोलण्याला काही अर्थ नाही - राज ठाकरे सर्व छायाचित्र - संग्रहित