“मराठा आरक्षण हाच माझ्यावरचा उपचार”; मनोज जरांगेंनी सर्वपक्षीय नेत्यांना ठणकावलं, म्हणाले…

मराठा आंदोलनातील नेते मनोज जरांगे यांनी मराठा आरक्षणाच्या मागणीवर शिंदे-फडणवीस-पवार सरकारसह सर्वच पक्षांना ठणकावलं आहे. ते सोमवारी (११ सप्टेंबर) जालन्यात पत्रकारांनी विचारलेल्या प्रश्नावर बोलत होते. त्याचा उपोषणाचा १४ वा दिवस होता. मनोज जरांगे यावेळी नेमकं काय म्हणाले त्याचा हा आढावा... माझ्यावरचा उपचार म्हणजे मराठा आरक्षण आहे - मनोज जरांगे आज महाराष्ट्रात सर्वपक्षीय बैठक लागली आहे. त्या बैठकीत सर्वांनी मिळून माझ्या वेदनेवर उपचार करावा - मनोज जरांगे माझ्या मराठा समाजाच्या आरक्षणाच्या ज्या वेदना आहेत त्याच वेदना माझ्याही आहेत - मनोज जरांगे माझा उपचार म्हणजे मराठा आरक्षण - मनोज जरांगे माझी जात मला प्रिय आहे. माझा समाज मला प्रिय आहे - मनोज जरांगे माझ्या समाजातील लेकरांना आरक्षण हवं आहे. ते उपचार मला गरजेचे आहेत. माझ्यावर उपचार काय करता - मनोज जरांगे आतापर्यंत मराठा समाजाने सर्व पक्षांना भरभरून दिलं. आता त्यांचा नंबर आहे, मराठा समाजातील लेकरांना भरभरून देण्याचा - मनोज जरांगे सगळा महाराष्ट्र बघतो आहे. बघुयात आता कोणता पक्ष आम्हाला भरभरून साथ देतो - मनोज जरांगे महाराष्ट्रातील मराठा आता जागा झाला आहे. आम्हीही बघतो आहे की, कोणता कोणता पक्ष आमच्याबरोबर किती ताकदीने उभा राहतो - मनोज जरांगे आम्ही लई दिलं, आता त्यांची वेळ आहे. आता कोण कुणावर अन्याय करतं हे लक्षात येईल - मनोज जरांगे आम्ही ७५ वर्षे कुणावरच अन्याय केला नाही. आता ते इतरांना सांभाळण्यासाठी आमच्यावर किती अन्याय करतात हे दिसेल - मनोज जरांगे इतरांवर अन्याय होऊ नये म्हणून ते आमच्यावर किती अन्याय करतात हे आज लक्षात येईल - मनोज जरांगे (सर्व छायाचित्र - संग्रहित, लोकसत्ता ग्राफिक्स टीम))