१८०० कोटींचा खर्च, १६१ फूट उंची, भव्य गाभारा; असं असेल अयोध्येतील भव्य राम मंदिर! पाहा PHOTO

अयोध्येत भव्य राम मंदिर उभारणीचे काम जोरात सुरू आहे. मंदिराच्या बांधकामाचे काही नवीन फोटो सोशल मीडियावर व्हायरल झाले आहेत. फोटोंद्वारे मंदिराची भव्यता आणि सुंदरतेचा अंदाज बांधता येतो अयोध्यात उभारण्यात येणारे रामाचे हे नवीन मंदिर ३८० फूट लांब, २५० फूट रुंद आणि १६१ फूट उंच आहे. २२ जानेवारी २०२४ रोजी पंतप्रधान नरेंद्र मोदींच्या हस्ते या मंदिरातील रामाच्या मुर्तीचा अभिषेक करण्यात येणार आहे. मंदिराचा गाभारा पांढऱ्या संगमरवरी दगडाने बांधण्यात येत आहे. मंदिराच्या प्रत्येक भागात सुरेख आणि सुंदर नक्षीकाम पाहायला मिळते. हे भव्य मंदिर बांधण्यासाठी सुमारे १८०० कोटी रुपये खर्च अपेक्षित आहे. तर परिसरातील २० एकर जागेचं सुशोभीकरण करण्यासाठी तब्बल एक हजार कोटी इतका खर्च असणार आहे. मंदिराचे बांधकाम डिसेंबर २०२३ पर्यंत पूर्ण करण्याचे लक्ष्य आहे. २४ जानेवारी २०२४पासून हे मंदिर सर्वसामान्यांसाठी खुले करण्यात येणार असल्याचे सांगण्यात येत आहे. (सर्व फोटो सौजन्य : पीटीआय)