तेलंगणाचे नवे मुख्यमंत्री रेवंत रेड्डींची संपत्ती किती? पत्नीच्या नावे आहे कोट्यावधीची जमीन तर स्वत:कडे

तेलंगणा राज्याचे नवे मुख्यमंत्री म्हणून काँग्रेसने रेवंत रेड्डी यांची निवड केली आहे. रेवंत रेड्डी हे व्यवसायाने शेतकरी आहेत, पण तुम्हाला माहित आहे का की या शेतकऱ्याकडे करोडो रुपयांची संपत्ती आहे. प्रतिज्ञापत्रानुसार, रेवंत रेड्डी यांच्याकडे५.१७ कोटी रुपयांची जंगम मालमत्ता आहे, तर २४.८७ कोटी रुपयांची स्थावर मालमत्ता आहे. मात्र, या संपत्तीत त्यांच्या पत्नीचाही हिस्सा आहे. प्रतिज्ञापत्रात दिलेल्या माहितीनुसार, रेवंत रेड्डी यांच्याकडे ८.६२ कोटी रुपयांची स्थावर मालमत्ता आहे. तर त्यांच्या पत्नीकडे १५.२ कोटी रुपयांची स्थावर मालमत्ता आहे. जंगम मालमत्तेबद्दल बोलायचे झाल्यास, रेवंत रेड्डी यांच्याकडे २.१८ कोटी रुपयांची जंगम मालमत्ता आहे, रेवंत रेड्डी आणि त्यांच्या पत्नीकडे ७.७७ कोटी रुपयांची शेतजमीन आणि ४.८२ कोटी रुपयांहून अधिक किमतीची बिगरशेती जमीन आहे. रेवंत रेड्डी यांच्याकडे १३ लाख रुपयांची होंडा कार आणि १५ लाख रुपयांची मर्सिडीज कार आहे. या जोडप्याकडे दोन घरे आहेत, ज्यांची किंमत १२.२८ कोटी रुपयांपेक्षा जास्त आहे.