रॅपर ते न्यूयॉर्कचे सर्वात तरुण महापौर… कोण आहेत झोहरान ममदानी?

अमेरिकेची आर्थिक राजधानी समजल्या जाणाऱ्या न्यूयॉर्क शहराच्या महापौरपदी भारतीय वंशाचे झोहरान ममदानी यांची निवड झाली आहे. न्यूयॉर्कचे सर्वात तरुण (३४ वर्षे) आणि पहिले दक्षिण आशियाई महापौर म्हणून निवडून आल्यानंतर सर्वत्र झोहरान ममदानी यांची चर्चा सुरू झाली. युगांडामध्ये जन्मलेल्या झोहरान ममदानी यांचे पालक भारतीय वंशाचे आहेत. वयाच्या सातव्या वर्षी ते कुटुंबासह न्यूयॉर्कला स्थलांतरित झाले. झोहरान ममदानी यांनी ब्रॉन्क्स हायस्कूल ऑफ सायन्समध्ये शिक्षण घेतले आणि नंतर बोडोइन कॉलेजमधून आफ्रिकाना स्टडीजमध्ये पदवी मिळवली. झोहरान ममदानी आणि त्यांची पत्नी, २७ वर्षीय सीरियन कलाकार रमा दुवाजी यांची भेट हिंज या डेटिंग अॅपवर झाली. ममदानी यांच्या आई मीरा नायर एक प्रसिद्ध चित्रपट दिग्दर्शिका आहेत आणि त्यांचे वडील प्रोफेसर महमूद ममदानी, कोलंबियामध्ये प्राध्यपक म्हणून काम करतात. त्यांचे दोन्ही पालक हार्वर्ड विद्यापीठाचे माजी विद्यार्थी आहेत. राजकारणात येण्यापूर्वी, झोहरान ममदानी यांनी गृहनिर्माण सल्लागार म्हणून काम केले आहे. विरोधकांप्रमाणेच, ममदानी यांनी महापौरपदाच्या निवडणुकीत शहर अधिक सुरक्षित आणि परवडणारे बनवण्यावर भर दिला होता. राजकारणात येण्यापूर्वी ममदानी हे रॅपर देखील होते. त्यांनी यंग कॉर्डमम आणि मिस्टर कॉर्डमम या नावांनी अनेक गितांचे सादरीकरण केले आहे. (All Photos: @ZohranKMamdani/X)