3 Idiots चित्रपट ज्यांच्या जीवनावर आधारित आहे, त्या सोनम वांगचुक यांची संपत्ती किती आहे?

लडाखमधील शिक्षणतज्ज्ञ, पर्यावरण कार्यकर्ते आणि '३ इडियट्स' या हिट बॉलीवूड चित्रपटामागील प्रेरणास्थान असलेल्या सोनम वांगचुक यांना लडाखमध्ये झालेल्या हिंसाचारासाठी जबाबदार धरून अटक करण्यात आली आहे. सोनम वांगचुक यांच्या स्वयंसेवी संस्थांच्या खात्यांमध्ये अनेक कथित आर्थिक अनियमितता आढळल्यानंतर तपास यंत्रणा त्यांच्यावर बारकाईने लक्ष ठेवून आहेत. याचबरोबर त्यांच्या संस्थांवर परदेशी निधी स्वीकारण्यावरही बंदी घालण्यात आली आहे. याव्यतिरिक्त, केंद्र सरकारला असा संशय आहे की, त्यांच्या वक्तव्यांमुळे आणि चिथावणीखोर विधानांमुळे लडाखमध्ये हिंसाचार झाला असावा, ज्यामध्ये चार जणांचा मृत्यू झाला. सप्टेंबर २०२५ मध्ये, त्यांनी लडाखला राज्याचा दर्जा मिळावा आणि आदिवासी समुदायांसाठी वाढीव स्वायत्तता व सुरक्षा मागण्यासाठी उपोषण सुरू केले होते. त्यांचे हे उपोषण शांततापूर्ण मार्गाने होते तरी, आंदोलनादरम्यान लेहमध्ये हिंसक संघर्ष उसळला, ज्यामुळे जीवितहानी झाली. १९६६ मध्ये लडाखमधील उलेतोकपो येथे जन्मलेल्या सोनम वांगचुक यांनी शैक्षणिक सुधारणा आणि पर्यावरणीय उपक्रमांमध्ये मोठे काम केले आहे. सोनम वांगचुक यांचे लग्न हिमालयन इन्स्टिट्यूट ऑफ अल्टरनेटिव्ह्ज लडाखच्या सह-संस्थापक गीतांजली अंगमो यांच्याशी झाले आहे. १९८८ मध्ये स्थापन केलेल्या स्टुडंट्स एज्युकेशनल अँड कल्चरल मूव्हमेंट ऑफ लडाखचे संस्थापक म्हणून सोनम वांगचुक यांनी पारंपारिक शिक्षण प्रणालींना आव्हान दिले आहे, विद्यार्थ्यांमध्ये सर्जनशीलता आणि स्वतंत्र विचारसरणीला प्रोत्साहन दिले आहे. सोनम वांगचुक यांच्या या योगदानाचे आंतरराष्ट्रीय स्तरावर कौतुक झाले आहे, ज्यामध्ये रॅमन मॅगसेसे पुरस्काराचाही समावेश आहे. सोनम वांगचुक यांचा मोठा सामाजिक प्रभावा असूनही, अहवालांनुसार त्यांची एकूण संपत्ती अंदाजे ७५ लाख रुपये इतकीच आहे. यातील बहुतांश उत्पन्न त्यांना त्यांच्या लोकप्रिय YouTube चॅनेल @wangchuksworld मधून मिळते. त्यांच्या चॅनचे १.७ दशलक्षाहून अधिक सब्सक्रायबर्स आहेत. (All Photos: @Wangchuk66/X)