PHOTOS: बोल्ड, बिनधास्त स्पोर्ट्स अँकर मयंती लँगरबद्दल जाणून घ्या खास गोष्टी

मयंती लँगर हे नाव माहित नाही, असे क्रिकेटप्रेमी भारतात अभावानेच सापडतील. क्रिकेट सामन्याप्रमाणे मयंतीचे अँकरींगही चाहत्यांमध्ये चर्चेचा विषय असते. ( सर्व फोटो - मयंती लँगर इन्स्टाग्राम)जगभरातील महत्वाच्या क्रिकेट स्पर्धांचे अँकरींग मयंती करते. फुटबॉल, कॉमनवेल्थ गेम्सचे अँकरींगही मयंतीने केले आहे. आठ फेब्रुवारी १९८५ रोजी दिल्लीमध्ये मयंतीचा जन्म झाला. मयंतीचे बालपण अमेरिकेत गेले. मयंतीचे आजोबा भारतीय लष्करात लेफ्टनंट जनरल होते. त्यामुळे अमेरिकेत आजी-आजोबाच्या देखरेखीखाली मयंतीचे बालपण कडक शिस्तीचे होते. मयंतीची आई प्रसिद्ध शिक्षिका होती. मयंतीचे वडिल संजीव लँगर यांनी युनायटेड नेशन्समध्ये काम केले आहे. दिल्लीच्या हिंदू कॉलेज विद्यापीठामधून मयंतीने बीए हॉर्न्समध्ये पदवी मिळवली. लहानपणापासून मयंतीला फुटबॉलची आवड होती आणि शालेय स्तरावर ती फुटबॉल स्पर्धांमध्ये खेळायची. दिल्लीच्या सुपर सॉकर प्रबोधिनीमध्ये तिने फुटबॉलचे प्रशिक्षण घेतले आहे. मयंतीने ग्राफीक डिझायनरचे प्रशिक्षण घेतले होते. 'फिफा बीच फुटबॉल' स्पर्धेत प्रयोग म्हणून तिने स्पोटर्स अँकरींग केले. त्यानंतर तिने अँकर बनण्याचा निर्णय घेतला. मयंतीने २०११, २०१५ क्रिकेट वर्ल्डकप स्पर्धेत अँकरींग केले. २०१४ इंडियन सुपर लीग, २०१० फिफा वर्ल्डकप, २०१० कॉ़मन वेल्थ गेम्स आणि २०१८ आयपीएलच्या मोसमाचे अँकरींग तिने केले आहे. अमेरिकेत असताना मयंतीला फुटबॉलमध्ये रुची निर्माण झाली. आज मयंती भारतातील एक नावाजलेली महिला स्पोटर्स अँकर आहे. सप्टेंबर २०१२ मध्ये मयंती लँगर क्रिकेटपटू स्टुअर्ट बिन्नीबरोबर विवाहबद्ध झाली. स्टुअर्ट बिन्नीनेही आंतरराष्ट्रीय क्रिकेट स्पर्धांमध्ये भारताचे प्रतिनिधीत्व केले आहे. स्टुअर्ट बिन्नी भारताचे माजी क्रिकेटपटू रॉजर बिन्नीचा मुलगा आहे. स्टुअर्ट अष्टपैलू क्रिकेटपटू म्हणून ओळखला जातो. क्रिकेटबरोबर मयंती लँगरने अनेक फुटबॉल स्पर्धांचेही अँकरींग केले आहे. हे फार कमी जणांना माहित असेल, मयंती तिच्या कॉलेज फुटबॉल टीमचीही सदस्य होती. कॉलेजच्या टीममध्ये तिने स्ट्रायकरची भूमिका बजावली आहे. ड्रेसिंग स्टाइल खासकरुन शॉर्ट स्कटर्स घालण्यावरुन अनेकदा मयंती लँगरला ट्रोलही करण्यात आले आहे. क्रिकेट सामन्यांच्या अँकरींगच्यावेळी कपडयांवरुन ट्रोल करणाऱ्यांना मयंती सडेतोड उत्तरेही देत असते. एका कार्यक्रमामध्ये मयंती पती स्टुअर्ट बिन्नीसोबत सेल्फी घेताना.