पैलवान आला…महाराष्ट्राचा वाघ ‘हिंद केसरी’साठी सज्ज

1/20

खाकी वर्दीत असलेल्या या पोलीस अधिकाऱ्याला ओळखलंत का?? उंचपुरा, मजबूत देहयष्टी आणि ट्रिपल महाराष्ट्र केसरी किताब विजेता विजय चौधरी सध्या पुण्यात वाहतूक विभागात कार्यरत आहे. (सर्व फोटो – पवन खेंगरे)

2/20

२०१४ ते २०१६ या कालावधीत विजयने सलग ३ वर्ष मानाची महाराष्ट्र केसरीची गदा पटकावली होती.

3/20

विजयच्या कामगिरीवर खुश होऊन तत्कालीन देवेंद्र फडणवीस सरकारने त्याला राज्य पोलीस दलात पोलीस उप-अधिक्षक पदावर नोकरी दिली. २०१७ साली विजय महाराष्ट्र पोलिसांमध्ये रुजू झाला.

4/20

विजय आपलं पोलिसांचं कर्तव्य बजावत असला तरीही कुस्ती हे आपलं पहिलं प्रेम तो विसरलेला नाही.

5/20

लॉकडाउन पश्चात सर्व गोष्टी आता हळुहळु रुळावर येत असताना विजयने स्वतःसमोर एक ध्येय ठेवलं आहे.

6/20

महाराष्ट्राच्या लाल मातीतला हा वाघ आता सज्ज झाला आहे हिंद केसरीचा किताब पटकावण्यासाठी…

7/20

तालमीत उतरलं की रिवाजाप्रमाणे पहिले अंगाला माती लागलीच पाहिजे…

8/20

या मातीशिवाय पैलवानांच्या अंगात स्फुरण येतंच नाही असं म्हणतात…

9/20

विजयला कुस्तीसाठी तयार होत असताना पाहणं हा देखील इतर मल्लांसाठी एक वेगळा अनुभव असतो.

10/20

मग सुरु होतो खरा सराव…

11/20

फेब्रुवारी ते एप्रिल २०२१ दरम्यान हिंद केसरी कुस्ती स्पर्धेचं आयोजन होणार आहे.

12/20

त्यामुळे सकाळी सर्वात आधी तालमीत जाऊन सराव केल्यानंतर मग आपली ड्युटी असं दुहेरी कर्तव्य विजय सध्या बजावत आहे.

13/20

एक दोन डाव रंगले…शरीर गरम झालं की मग समोरच्या मल्लाला चितपट करण्यासाठी प्रयत्न केला जातो.

14/20

लॉकडाउन काळात तालीम बंद असताना स्वतःचा फिटनेस कायम राखणं आणि त्यानंतर पुन्हा सरावाला सुरुवात करणं हे मल्लांसाठीही एक आव्हान असतं.

15/20

या सरावादरम्यान अनेकदा दुखापतही होते…पण त्याकडे लक्ष न देता सराव सुरु ठेवावा लागतो.

16/20

विजय चौधरीसारख्या नावाजलेल्या मल्लासोबत कुस्ती खेळायला मिळणं हा इतर मल्लांसाठीही एक आनंदाचा क्षण असतो.

17/20

सरावादरम्यान विजयही आपल्या सहकाऱ्यांना मार्गदर्शन करत असतो.

18/20

सरावादरम्यानचा एक क्षण…

19/20

दम लागला…की थोडावेळ आराम करायचा परत माती अंगायला लावायची आणि पुन्हा तालमीत उतरायचं हा प्रत्येक मल्लाचा जीवनक्रम बनला आहे.

20/20

काहीही झालं तरी हिंद केसरीच्या किताबावर आपलं नाव कोरायचं हे विजयने यंदा पक्क केलं आहे.