PHOTOS : एका षटकात ५ षटकार ठोकणाऱ्या भारतीय क्रिकेटपटूनं केलं लग्न; पंत, चहल आणि धवननं नोंदवली उपस्थिती!

1/10

राजस्थान रॉयल्सचा २८ वर्षीय अष्टपैलू क्रिकेटपटू राहुल तेवतियाने रिद्धी पन्नूसोबत लग्नगाठ बांधली आहे.

2/10

या वर्षाच्या सुरुवातीला तेवतियाची फेब्रुवारी महिन्यात एंगेजमेंट झाली होती. आता तेवतियाने आपल्या फेसबुक अकाउंटवरून त्याच्या लग्नाचा फोटो शेअर केला आहे.

3/10

राहुल-रिद्धीच्या लग्नाची वरात एकदम भव्य आणि शाही पद्धतीने काढण्यात आली होती.

4/10

या फोटोंमध्ये तो त्याची पत्नी, भारताचा अनुभवी फिरकीपटू यजुर्वेंद्र चहल आणि त्याची पत्नी धनश्री वर्मासोबत दिसत आहे.

5/10

चहल आणि त्याची पत्नी धनश्री वर्मा यांच्याशिवाय अनेक भारतीय खेळाडूही तेवतियाच्या लग्नाला पोहोचले होते. यामध्ये टीम इंडियाचा स्टार यष्टीरक्षक ऋषभ पंत आणि नितीश राणासारख्या नावांचा समावेश आहे.

6/10

तेवतियाने आयपीएल २०२०च्या एका सामन्यात राजस्थानकडून खेळताना विरोधी गोलंदाजाच्या एका षटकात सलग पाच षटकार ठोकले होते. क्रिकेटच्या मैदानात या करिष्माई फलंदाजीनंतर तो रातोरात स्टार बनला.

7/10

आयपीएलमधील दमदार कामगिरीचे बक्षीस त्याला निळ्या जर्सीच्या रूपात मिळाले. यावर्षी इंग्लंडविरुद्धच्या टी-२० मालिकेसाठी त्याचा टीम इंडियात समावेश करण्यात आला होता. मात्र, त्याला सामना खेळण्याची संधी मिळाली नाही.

8/10

सध्या तेवतिया राजस्थान रॉयल्सचा महत्त्वाचा भाग आहे, परंतु फ्रेंचायझी त्याला पुढील हंगामात कायम ठेवते का, हे पाहणे बाकी आहे.

9/10

तेवतिया सध्या हरियाणासाठी देशांतर्गत क्रिकेटमध्ये खेळतो. तेवतियाने २०१३-१४रणजी ट्रॉफीमध्ये प्रथम श्रेणी क्रिकेट कारकिर्दीला सुरुवात केली.

10/10

आयपीएलमधील कामगिरीबद्दल बोलायचे झाले तर त्याने ४८ सामन्यात ३८ विकेट घेतल्या आहेत. त्यासोबतच त्याने १२४.३४ च्या स्ट्राईक रेटने ५२१ धावा केल्या. (सर्व फोटो इन्स्टाग्राम आणि सोशल मीडियावरून साभार)