PHOTOS : एक नारी सब पे भारी..! भल्याभल्यांना मागे सारत स्मृती मानधना बनली ICCची ‘वुमन ऑफ द इयर’!

1/10

भारतीय महिला क्रिकेट संघाची सलामीवीर फलंदाज स्मृती मानधना हिची आयसीसी महिला क्रिकेटर ऑफ द इयर म्हणून निवड करण्यात आली आहे. स्मृतीला दुसऱ्यांदा हा सन्मान मिळाला आहे. यापूर्वी २०१८ मध्ये तिला हा पुरस्कार मिळाला होता.

2/10

पुरुष गटात यावर्षी कोणत्याही भारतीय खेळाडूला कोणत्याही प्रकारात पुरस्कार जिंकता आला नाही. भारताच्या एकाही खेळाडूला आयसीसीच्या एकदिवसीय आणि टी-२० संघात स्थानही मिळवता आले नाही.

3/10

स्मृतीने गेल्या वर्षी २२ आंतरराष्ट्रीय सामन्यांमध्ये ३८.८६च्या सरासरीने ८५५ धावा केल्या होत्या. गेल्या वर्षीही तिने एक शतक आणि ५ अर्धशतके झळकावली होती.

4/10

गेले वर्ष भारतीय संघासाठी चांगले गेले नव्हते, पण स्मृतीची बॅट तळपत होती. दक्षिण आफ्रिकेविरुद्धच्या मर्यादित षटकांच्या मालिकेत भारताने घरच्या मैदानावर ८ पैकी फक्त दोनच सामने जिंकले. या दोन्ही सामन्यात संघाच्या विजयात स्मृतीने महत्त्वाची भूमिका बजावली.

5/10

२०२१ या वर्षात तिने आंतरराष्ट्रीय क्रिकेटच्या तिन्ही फॉरमॅटमध्ये खोऱ्याने धावा केल्या. यासोबत महिला टी-२० लीग्समध्येदेखील तिने आपल्या बॅटची जादू दाखवली.

6/10

वुमन्स बिग बॅश लीग असो अथवा द हंड्रेड ही क्रिकेट लीग असो, स्मृती मानधनाने सर्वत्र अक्षरशः धुमाकूळ घातला. याचं श्रेय म्हणून तिचा ICC Women’s Cricketer 2021 पुस्काराने गौरव केला जाणार आहे.

7/10

स्मृती मानधनाने २०२१ मध्ये मोठी कामगिरी केली आहे. तिने या वर्षी २ कसोटीत ६१ च्या सरासरीने २४४ धावा केल्या आणि डे-नाइट कसोटीत शतक झळकावणारी ती पहिली भारतीय महिला क्रिकेटपटू ठरली.

8/10

स्मृतीने यावर्षी ११ एकदिवसीय सामन्यांमध्ये ३५.२०च्या सरासरीने ३५२ धावा केल्या आहेत. तिचा स्ट्राइक रेट ८५ पेक्षा जास्त होता. यावर्षी तिने २ अर्धशतके झळकावली. T-२० मध्ये, मानधनाने ९ डावांमध्ये ३१ च्या सरासरीने २५५ धावा केल्या ज्यात २ अर्धशतकांचा समावेश आहे.

9/10

स्मृतीने तिच्या आंतरराष्ट्रीय कारकीर्दीत ६२ एकदिवसीय सामन्यांमध्ये ४ शतकं आणि १९ अर्धशतकांच्या मदतीने २३७७ धावा फटकावल्या आहेत. तर ८४ टी-२० सामन्यांच्या ८२ डावात तिने १९७१ धावा लगावल्या आहेत. यात तिने १४ अर्धशतकं झळकावली आहेत. चार कसोटीत तिच्या नावावर एक शतक आणि दोन अर्धशतकं आहेत.

10/10

स्मृती मानधनाव्यतिरिक्त आयसीसी वुमन्स क्रिकेटर ऑफ द ईयर पुरस्कारासाठी आयसीसीने टॅमी ब्यूमॉन्ट, लिजिली ली आणि गॅबी लुईस या तिघींना नामांकन दिलं होतं.(सर्व फोटोंचे सौजन्य – इंडियन एक्सप्रेस)