स्वत:चा देश सोडून दुसऱ्या संघाकडून खेळले आहेत ‘हे’ क्रिकेटपटू, एका भारतीय फलंदाजाचाही समावेश

क्रिकेट जगातत असे काही क्रिकेटपटू आहेत ज्यांनी स्वत:चा देश सोडून दुसऱ्या देशासाठी क्रिकेट खेळण्याचा निर्णय घेतला आहे. संधी न मिळाल्यामुळे किंवा जास्त प्रमाणात संधी न मिळाल्यामुळे त्यांनी हा निर्णय घेतलेला आहे. न्युझिलंडचा क्रिकेटपटू कोरी एंडरसन हा खेळाडू २०१४ साली आयपीएलमध्ये मुंबई इंडियन्सकडून खेळला होता. मात्र स्वत:च्या देशाच्या टीममध्ये चांगली संधी न मिळाल्यामुळे त्याने तीन वर्षांसाठी अमेरिका लीग क्रिकेटसोबत करार केला होता. नंतर तीन वर्षांसाठी एंडरसन अमेरिकेसाठी खेळला होता. उन्मुक्त चंद या क्रिकेटपटूने भारतीय संघाकडून अनेक सामने खेळले आहेत. मात्र पुढे संधी न मिळाल्यामुळे तो ऑस्ट्रेलियात गेला. येथे तो बॅश लीगमध्ये क्रिकेट खेळत राहिला. हॉंगकॉंग टीमचा खेळाडू अंशुमन रथने २०१८ साली आशिया कपमध्ये भारताविरोधात जोरदार फलंदाजी केली होती. त्यानंतर मात्र तो भारताकडे वळला. पुढे तो महाराष्ट्रातील नागपूरच्या टीमकडून डोमॅस्टिक क्रिकेट खेळत राहिला. उस्मान कादीर वेस्टर्न ऑस्ट्रेलियाकडून डोमॅस्टिक क्रिकेट खेळलेला आहे. मात्र त्याचा परिवार पाकिस्तानमध्ये राहत होता. याच कारणामुळे पाकिस्तामध्ये परतून तो पाकिस्तानी संघाकडून खेळला. सामी अस्लम हा क्रिकेपटू मुळचा पाकिस्तानचा आहे. त्याने पाकिस्तानी टीमकडून १३ कसोटी सामने खेळले. मात्र नंतर संधी न मिळाल्यामुळे तो अमेरिकेत गेला. येथे तो डोमॅस्टिक क्रिकेटमध्ये खेळत राहिला.