Photo: ‘आयपीएल’मधून बाहेर पडल्यानंतर रोहितचे मालदीव व्हॅकेशन; पत्नीसोबतचे रोमॅंटिक फोटो केले शेअर

IPL 2022: यंदाच्या इंडियन प्रीमियर लीग हंगामात मुंबई इंडियन्सला चांगली कामगिरी करण्यात अपयश आले आहे. एकूण १४ साखळी सामन्यातील १० सामने गमावल्यामुळे मुंबई इंडियन्स गुणतालिकेच्या सर्वात तळाला रहावे लागले आहे. स्पर्धेतील आव्हान पूर्णपणे संपुष्टात आल्याने मुंबई इंडियन्सचे खेळाडू आता आपापल्या घरी परतले आहेत. रोहित शर्मा २०११ मध्ये मुंबई इंडियन्स संघाशी जोडला गेला होता. मुंबई इंडियन्सचा कर्णधार रोहित शर्मा सध्या पत्नी आणि मुलीसोबत सुट्टीवर गेला आहे. दोन महिने आयपीएल खेळल्यानंतर सुट्ट्यांचा आनंद घेण्यासाठी रोहित शर्मा मालदीवला गेला आहे. या मालदीव ट्रिपचे अनेक फोटो रोहितने इन्स्टाग्रामवर शेअर केले आहेत. मालदीव हे स्वच्छ, निर्मळ आणि मन मोहून टाकणाऱ्या सुंदर समुद्र किनाऱ्यांसाठी जगभर प्रसिद्ध आहे. या फोटोंमध्ये रोहित पत्नी रितिका सजदेहसोबत वेळ घालवताना दिसत आहे. रोहितच्या या फोटोंवर लाइक्सचा वर्षाव होत आहे. भारताच्या दक्षिण आफ्रिका दौऱ्यातून रोहित शर्माला विश्रांती देण्यात आली आहे. (सर्व फोटो सौजन्य : रोहित शर्मा / इन्स्टाग्राम)