Photos : १० सेकंद, ८९.३० मीटर भालाफेक अन् रुपेरी कामगिरी; नीरज चोप्राने रचला नवा राष्ट्रीय विक्रम

1/12

ऑलिम्पिकमध्ये दमदार कामगिरी करत सुवर्णपदकावर नाव कोरणारा भारताचा गोल्डन बॉय नीरज चोप्रा पुन्हा एकदा चर्चेत आला आहे.

2/12

भालाफेकपटू नीरज चोप्राने एक नवीन विक्रम आपल्या नावावर केला आहे.

3/12

फिनलॅण्डमधील पावो नूरमी गेम्स २०२२ (Paavo Nurmi Games 2022) मध्ये नीरजने भालाफेक करत नवा राष्ट्रीय विक्रम केला आहे.

4/12

या स्पर्धेत अवघ्या १० सेकंदात ८९.३० मीटर दूर भालाफेक करत नीरजने रौप्य पदकाची कमाई केली आहे.

5/12

विशेष म्हणजे नीरजने स्वत:चाच विक्रम मोडत नवा राष्ट्रीय रेकॉर्ड रचला आहे.

6/12

याआधी मागील वर्षी त्याने पतियालामध्ये ८८.०७ मीटर दूर भाला फेकत राष्ट्रीय विक्रम केला होता.

7/12

त्यानंतर नीरजने ७ ऑगस्ट २०२१ रोजी टोक्यो ऑलिम्पिकमध्ये ८७.५८ मीटर भालाफेक करत सुवर्णपदकावर नाव कोरलं होतं.

8/12

आता पावो नूरमी गेम्समध्ये ८९.३० मीटर दूर भालाफेक केल्याने नीरजने नवा विक्रम केला आहे.

9/12

नीरज चोप्रा हा पावो नूरमी गेम्समध्ये सहभाग घेणारा एकमेव भारतीय स्पर्धक आहे.

10/12

टोक्यो ऑलिम्पिकनंतर भालाफेकपटू नीरजची ही पहिलीच स्पर्धा आहे.

11/12

या स्पर्धेनंतर नीरज फिनलॅण्डमधील ‘कुओर्तने गेम्स’मध्ये आणि डायमंड लीगच्या ‘स्टॉकहोम लेग’मध्ये सहभागी होणार आहे.

12/12

पुढील महिन्यात होणाऱ्या ‘जागतिक अ‍ॅथलेटिक्स चॅम्पियनशिप’ आणि ‘राष्ट्रकुल क्रीडा स्पर्धां’मध्येही नीरजकडून चांगल्या कामगिरीची अपेक्षा आहे. (सर्व फोटो : नीरज चोप्रा/ इन्स्टाग्राम)