Pele Passes Away: वयाच्या ८२व्या वर्षी जगाचा निरोप घेणाऱ्या पेलेंच्या विक्रमाची यादी एकदा बघाच

महान फुटबॉलपटूंपैकी एक असलेले ब्राझीलचे दिग्गज पेले यांचे वयाच्या ८२ व्या वर्षी निधन झाले. त्यांच्या निधनाच्या वृत्ताला त्यांच्या मुलीने गुरुवारी रात्री उशिरा इन्स्टाग्रामवर दुजोरा दिला. (फोटो सौजन्य-ट्विटर) कोलन कॅन्सरशी झुंज देत असलेल्या ब्राझीलच्या माजी फुटबॉलपटूने केमोथेरपी उपचारांना प्रतिसाद देणे बंद केले होते. (फोटो सौजन्य-ट्विटर) पेलेच्या उपस्थितीत ब्राझीलचा संघ ३ वेळा चॅम्पियन बनला. पेले यांनी १९५८, १९६२ आणि १९७० मध्ये विश्वचषक जिंकला होता. (फोटो सौजन्य-ट्विटर) सर्वाधिक वेळा विश्वचषक जिंकण्याचा विक्रम पेलेंच्या नावावर आहे. एखाद्या खेळाडूसाठी त्याच्या करिअरमध्ये ३ वेळा वर्ल्ड चॅम्पियन बनणे सोपे नसते. (फोटो सौजन्य-ट्विटर) पेलेंनी आपल्या कारकिर्दीत एकूण १२६३ सामन्यांमध्ये भाग घेतला आहे. या सामन्यांमध्ये त्यांचे एकूण १२८३ गोल आहेत. (फोटो सौजन्य-ट्विटर) त्यांचे नाव गिनीज बुक ऑफ वर्ल्ड रेकॉर्डमध्ये नोंदवले गेले आहे. त्यांनी १९५९ आणि १९६१ मध्ये अनुक्रमे १२७ आणि ११० गोल केले होते. (फोटो सौजन्य-ट्विटर) सर्वाधिक हॅटट्रिकचा विक्रमही पेलेंच्या नावावर आहे. पेलेंनी आपल्या कारकिर्दीत सर्वाधिक ९२ हॅट्ट्रिक्स केल्या आहेत. (फोटो सौजन्य-ट्विटर) १९५८ च्या विश्वचषकात वयाच्या १७ वर्षे आणि २३९ दिवसांनी वेल्सविरुद्धच्या उपांत्यपूर्व फेरीत त्यांनी पहिला विश्वचषक गोल केला. अशाप्रकारे या स्पर्धेत गोल करणारा ते सर्वात तरुण फुटबॉलपटू ठरले. (फोटो सौजन्य-ट्विटर) १९५८ च्या विश्वचषकाच्या उपांत्य फेरीत त्यांनी १७ वर्षे २४४ दिवस असताना फ्रान्सविरुद्ध हॅट्ट्रिक केली होती. (फोटो सौजन्य-ट्विटर)